what is the height of the world trade center?ලෝක වෙළඳ මධ්‍යස්ථානයේ උස කීයද?

ලංකාවේ දැනට උසම ගොඩනැගිල්ල තමයි ලෝක වෙළෙඳ මධ්‍යස්ථානය.මේ ගොඩනැඟිල්ල වගේම මේකේ වැඩ කරන අයත් ටිකක් උඩින් තමයි ඉන්නේ,ඒ වගේම මේකේ තියෙන ගොඩක් දේවල් ටිකක් අර ජාත්‍යන්තර මට්ටමෙන් තියෙන හින්දා ඔය ලංකාවේ දුෂ්කර පැතිවල ඉඳන් එන අයට මේකේ ඉන්න අය ටිකක් වැඩ පෙන්නන්න යනවා.මං දැක්ක එක පාරක් ඈත් ඉස්කෝලෙක ඉඳන් කොළඹ බලන්න ආපු ලමයි ටිකකට පෝලිම් ගස්සවලා මේකේ ඇතුලේ පෙන්නනවා.මේකේ සෝපාන පද්ධතිය,වැසිකිලි ක්‍රමය ගැන වෙනමම කතා කරන්න ඕන.ඒක තියලා මං කතාවට බහින්නම්කො.මේකත් මං කලින් දාපු ලිපියට සමාන එකක්.ඒ කියන්නේ මේකත් සම්මුඛ පරීක්ෂණයකට සම්බන්ධ දෙයක්.

ඔන්න එක දවසක් ලංකාවේ සුද්දගේ කාලේ ඉඳන් පැවතගෙන එන විවිධාංගීකරණය වෙච්ච සමාගමක ප්‍රධාන විධායක නිලධාරී තනතුර සඳහා සම්මුඛ පරීක්ෂණයක් තිබ්බා.මේකේ මණ්ඩලයට ඒරොප්පේ ශාඛාවේ ලොකු සුද්දෙකුත් ඇවිල්ලා හිටියා.ඒ වගේම ලංකාවේ ලොකුම දළ කාර සමාගමක් හින්දා දැවැන්ත චරිත තමයි මේකට අයදුම් කරලා තිබුනේ.හැමෝම අත්දැකීම්,අධ්‍යාපන සුදුසුකම් අතින් ඉහලින්ම හිටියා.මේ වගේ වෙලාවක අනිවාර්යයෙන්ම වෙන වැඩේ තමයි තාර්කික බුද්ධිය විමසන ප්‍රශ්න අහන එක.අපේ ලංකාවේ උන්දැලා නම් ඇහුවේ නෑ,ඒ වුනාට සුද්දා ආයි නෑ සුද්දා වගේ කෙලින්ම ඇහුවා ප්‍රශ්නයක් එක එක්කෙනාගෙන් අඩු ගානේ ආසන්න අගයට වත් කියන්න කියලා.අනික මේ සුද්දා නිකං නෙවෙයි මොකක් හරි උත්ත්‍රයක් දුන්නට පස්සේ අහනවා ඒ උත්තරේ දෙන්න හේතු මොනාද කියලත්.ඉතින් දීපල්ලකෝ උත්තර.

මොකක්ද සුද්දා අහපු ප්‍රශ්නය?

Image

orcl.lk

“what’s height of the tallest building in your country?”(මේ වගේ එකක් තමයි ඇහුවේ,කොහොමහරි සුද්දට ඕන වෙලා තිබුනේ ලංකාවේ උසම ගොඩනැගිල්ලේ උස ලංකාවේ එකෙක්ගෙන් අහගන්න,ඌටත් තියෙන ප්‍රශ්න)

මේකා අහපු ගමන් අර අයදුම්කරුවො උඩ බිම බලනවා.කවුරුහරි කිව්වොත් “250 m” කියලා සුද්දා අනික් පැත්තට අහනවා “How do yo say so?are you sure?” ඔය වගේ ප්‍රශ්නයක්.එතකොට ඉතින් කියපල්ලකො කොහොමද මැන්නේ කියලා.අන්තිමට අර පරීක්ෂණ මණ්ඩලේ එවුන්ටත් හොල්මන්,මේ අද ලංකාවට ආපු සුද්දා මේ ටිකට මේකේ උසත් මැන්නද?මූ මොකාටද මේ එන්න හදන්නේ කියලා,කවුද දන්නේ මිනිහා ඊට වඩා උස එකක් හදන්න යනවද දන්නේ නෑනේ.

කොහොමහරි අන්තිමට මේක ඉවරවෙලා සුද්දගෙන් කට්ටිය ඇහුවා ඇත්තටම එකේ උස කීයද කියලා”

සුද්දා කියපි “Even I do not know,that’s why asked it from you” කියලා.ඇත්තනේ කතාව ලංකාවේ අපි දැනගන්නෙ එපායැ ලංකාවේ තරම.

අන්තිමට සුද්දා කියනවා.(ඉංග්‍රීසියෙන් හොඳේ)

මට ඔයාලගේ රටේ උසම කුළුණේ උස දැනගෙන වැඩක් නෑ.ඒ වුනාට ප්‍රධාන විධායක නිලධාරියා විදිහට මේ සමාගමට පත් වෙන කෙනාට තියෙන්න ඕන තාර්කික බුද්ධිය කියලා දෙයක්.WTC එකේ උස මෙන්න මෙච්චරයි කියන එක නෙවේ වැදගත් ඒ උත්තරේ ගත්තේ කොහොමද කියන එක.අඩු ගානේ එක තට්‍ටුවක උස මෙන්න මෙච්චර විතර එතකොට තට්‍ටු මෙච්චරක් තියෙනවා ඒ අනුව උස මෙන්න මෙච්චර විතර ඇති කියන එක කියාගන්න පුලුවන් වුනා නම් එච්චරයි කියලා සුද්දා කිව්වා.

ඒ කියන්නේ ඇත්තටම සුද්දා කියපු දෙයින් පැහැදිලි වුන දෙයක් තමයි.ඔයා දෙන උත්තරේ කොච්චර දශමයටම නිවැරදිද නොව ඔයා ඒ උත්තරේ ගත්තේ කොහොමද කියන එක තමයි වැදගත්.තමන් කියන දේ පදනමක් ඇතුව කියනවා වගේම ඒ දේ වෙනුවෙන් තමන් පෙනී ඉන්න ඕන කියන එක.

ඒක තමයි ප්‍රධාන විධායක නිලධාරියකුගේ ප්‍රධානම වගකීම.

අඩුවක් වෙයි කියලා හිතන හින්දා ලෝක වෙළෙඳ මධ්‍යස්ථානය ගැන විස්තර ටිකකුත් දාන්නම්.

Image

wtc.lk

මේකේ උස 152m විතර.තට්‍ටු 39 තියෙනවා.කුළුණු දෙකයි.පහළ තියෙන කොටසේ කොටස් 4කට වෙන් කරලා තියෙන්නේ.තියෙන ස්ථානය එචිලන් චතුරස්‍රය කියලා තමයි කියන්න වෙන්නේ.(කොළඹ 01)

මේ ආයතනය ඉදිකළේ (හැදුවේ මිනිස්සු බව මතක තබා ගන්න.) Overseas Reality (Ceylon) PLC.දැනට කළමනාකරණය කරන්නෙත් එයාලාමයි.එයාලා සිංගප්පූරු සමාගමක්.

Advertisements

2 thoughts on “what is the height of the world trade center?ලෝක වෙළඳ මධ්‍යස්ථානයේ උස කීයද?

    • ඒ සුද්දා ඇත්තටම බලාපොරොත්තු වුනෙත් උස දැන ගන්නවට වඩා තාර්කික බුද්ධිය විමසන්න,අන්න ඒකයි එහෙම කළේ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s