අවුරුද්දට රජ හොද්දක්.අතිශයින්ම පිරිමින්ටයි.greatest gruel of the world.:-)

ඔය එක එක රස කෑම හදන්න ගෑනු කට්ටිය කියලනේ කියන්නේ.ඒ වුනාට එයාලට වැඩිය රසට උයන්න පුලුවන් පිරිමි අය නැතුවාම නෙවෙයි.අද දාන්න යන්නේ පිරිමි අයට සුවිශේෂි හොද්දක් ගැන.මේක ගෑනු අයටත් හදන්න පුලුවන්.ඒ වුනාට එයාලාව මේකෙන් ඈත් කරලා තියන එක ඇඟට ගුණයි.ඒ මොකද කියලා හොද්ද හදන හැටි කියන් යද්දි තේරෙයි.මේ හොද්දේ නම තමයි “””රජ හොද්ද””.පුදපු ගමන් කාපි යකා ක්‍රමයට දාන්නේ නැතිව හොද්ද හොයා ගන්න හේතු භූත වෙච්ච කතාවත් කියමින්ම වට්ටෝරුව කියන්නම්.

Image

ඔන්න පහුගිය දවස් වල තිබුනනේ දිග නිවාඩුවක්.ඒකට අපි කට්ටියක් එක්කම සෙට් වෙලා මංගැච්චුවා එක්තරා හද්ද ඩොටයක.මොකද කාලයක් තිස්සේ යන්න හද හද හිටියට අන්තිමට ඔක්කෝටම එකඟ වෙන්න පුලුවන් වෙන්න පුලුවන් වුනේ තැන් කීපයකට විතරක් හින්දා.

දැං ඔන්න ඔය කියන පැත්තට ගියා කියමුකෝ.ප්‍රශ්නය වුනේ මේ තැනට ගියාම අපිටම උයාගෙන තමයි කන්න වෙන්නේ.මොකද ඒ පැත්ත පලාතක කෑම ගන්න කඩයක් නෑ.කලින්ම දැනං හිටපු හින්දා අපි ඉතින් අඩුම කුඩුමත් අරගෙන තමයි මංගැච්චුවේ.

ඔන්න ඉතින් කට්ටිය බෙදිලා එක එක කට්ටිය එක එක ව්‍යංජන හදන්න ගත්තා.අපිට සෙට් වුනේ සැමන් වලින් කරියක් හදන්න.අපිත් ඉතින් ඒක පැනලා ගත්තා.මොකද ලොකු වැඩක් නැතිව ඇති කියලා.ඉතින් ඒ අත්දැකීම් වලින් තමයි මේ නියම හොද්දක් හදන උපදෙස දෙන්නේ,හොඳේ.

මුලින්ම සැමන් ටිං එක කඩලා ඒක දාගන්න ඕන බේසමකට.ඊට පස්සේ ඔය පස් වැනි සිල් පදේ කඩපු එකාලා ඉන්නවනම් එතනින් එලවන්න ඕන.නැත්නම් සැමන් ටික වාෂ්ප වෙනවා.ඊළඟට හොඳට හයි හත්තිය තියෙන හතර පස් දෙනෙක් එකතු වෙලා අර සැමන් කුට්ටි හොඳට චප්ප කරලා ගන්න ඕන.හරියට ක්ලේමෝ එකකට අහු වෙච්ච මාලුවා වගේ වෙන්න.

හොද්ද හදද්දි පොල් මිරිකන්න දෙන්න ඕන හරියට අර ගජබා රජතුමා එක්ක ඉන්දියාවට ගිය නීල මහා යෝධයා වගේ ඩයල් එකකට.මොකද නීල මහා යෝධයා වැලි මිරිකා තෙල් ගත්තා කියනවනේ.ඉතින් ඒ ක්‍රමයට තමයි පොල් මිරිකා කිරි ගන්න ඕන.

Image

drawsigner.com

ඒ කිරි ටික සාස්පානකට දාලා අර සැමන් අංශුටිකත් දාලා තව ඔය අතට අහුවෙන රම්පේ,කරපිංචා,සුදු ළූනු,රතු ළූනු,බී ළූනු,ලොකු ළූනු..ඔය ඕන ළූනු ජාතියක්,එතකොට මිරිස් ,ලුණු,ගම්මිරිස් හැම දේම දාන්න ඕන.ඊට පස්සේ අර දිග මිට තියෙන කුඩයක් අරගෙන හොඳට අර හොද්ද හැඳි ගන්න ඕන.ඒකට ඔය දොදොල් තාච්චි හැඳි ගාපු අය ඉන්නවනම් සුපිරි.හොද්ද ලිපේ තියලා බුබුළු දාන්න දාන්න කුඩෙන් හොඳට හැඳි ගාන්න ඕන.

ඔය හොද්ද හොඳට ඉදුනා කියලා දැන ගන්නේ සියලුම සමන් කෑලි හොද්දට දිය වුනාම තමයි.ඊට පස්සේ අර හොද්ද නිවෙනකං ඉඳලා රස කාරක එකතු කරන්න ඕන.අපේ එකෙක් නම් දාලා තිබුනේ ගල් කාලක්.ඒකත් හොඳට අර කුඩෙන් මිශ්‍ර කරන්න ඕන.

Image

wallpapersdb.org

අන්තිමටම ඔයාලට ලැබෙනවා නියම රියල් දේශීය හොද්දක්.ආයි හොදි ඕන්නෑ මේ හොද්ද කෑවාම.පාන් එහෙම කන්න මරු.

ඒ වගේම මේ හොද්දත් අතිශයින්ම පිරිමින්ට පමණයි.මොකද මේ හොද්ද කාන්තා පාර්ශවය රස බැලුවොත් පිරිමි අයට හැමදාම කුස්සියට වෙලා තමයි ඉන්න වෙන්නේ.හොඳේ.

 

අනික මේ හොද්ද හදන්න ගිහින් හරි,කාලා හරි වෙන අතුරු ආන්තරා වලට මං වගකියන්නේ නෑ ඕං.

eat and die,කාපල්ලා, කාලා නැහිය

මේක ලියද්දිම ඔය බත් කඩ,සයිවර් කඩ,කොත්තු කඩ,දුවන ගිරි වලින් කන අයට මේක බලන්න  එපා කියලා දාන්න මට හිතුනත් අද එහෙම අය හොයා ගන්න එක පට්ටම අමාරු හින්දා අමුවෙන්ම මේ කතාව ලියලා දානවා.හැබැයි රජෝ මේක කියවලා නිකං බඩ කැරකිලා අඹරාගෙන නිකං පෙරළාගෙන එනවා නම් මේක කියව කියව ඉන්න එපා යන්න සුදුසුම තැනක් හොයා ගෙන දුවන්න හොඳේ.ඉතින් අද මං කියන්න යන්නේ ලංකාවේ කෑම ව්‍යාපාරයේ නැත්නම් ඒ ආශ්‍රිත සැපයුම් ඒ කියන්නේ උයන්න පිහන්න ගන්න බඩු ආශ්‍රිත වෙළෙඳාමේ යන ජිල් මාට් ගැන.සමහර ඒවා නම් නොසැලකිල්ල නැත්නම් ලේසියට කරන ඒවා.මොක වුනත් අන්තිමට වෙන්නේ කන එකාට බඩ සුද්ද වෙන්න බේත් බිව්වා වගේ වැඩ.මුලින්ම පටන් ගන්නම්කො කුස්සියෙන්ම.

Image

flicker.com

ඔය කඩ වල සාමාන්‍යයෙන් මාලු හොදි,මස් හොදි,බිත්තර හොදි කියලා වෙනම හොදි හදන්නේ නෑනේ.ඒ ගොල්ලො කරන්නේ මස් කෑලි,මාලු කෑලි වෙනම ගන්නවා.ඊට පස්සේ අර අයින් කරන ඒවා අයින් කරන එක.ඒ වුනාට සමහර ඇම්ඩන් කඩවල එව්වා අයින් කරන්නේ නෑ.ඒවා දාලා වෙනමම එක හොද්දක් හදනවා.ඊට පස්සේ අපි මාලු ඉල්ලුවම ඒ හොද්දට මාලු කෑල්ලක් දාලා ගේනවා.මස් ඉල්ලුවොත් මස් කෑල්ලක් දාලා ගේනවා.කවමදාවත් අර හොද්ද හදන කල්දේරම යට තියෙන එව්වයින් ගන්නෙ නැති හින්දා අර එව්වා අහු වෙන්නේ නෑ.

Image

enforex.com

ඊ ගාවට පරිප්පු හොදි.ඇත්තටම කඩවල අල හොදි පරිප්පු හොදි වෙනම හදන්නේ නෑ.ඒකනම් කමක් නෑ.ඒ වුනාට ඔය හොද්ද හදද්දි කරන ජිල් මාට් එකක් තියෙනවා.ඒ තමයි හොද්දෙ උකු බව ගන්න එක.ඇත්තටම මේකෙන් අඩු වියදෙමෙන් ලොකු හොද්දක් හදා ගන්න පුලුවන්.ඒ තමයි අර හොදි කල්දේරමට පාන් පිටි දාපු ගෝනියක් හිමීට බස්සන එක.ඒක දාලා උඩට ගන්නවා.

(මතක තියා ගන්න ගෝනියේ යටට විතරයි පිටි තියෙන්නේ හොඳේ)

ඉතින් හොද්ද හොඳට උකු වෙනවා.ඉතින් ඔහොම වුනාට හදිසියේම කඩේ වැඩිපුර හොදි ඉල්ලනවා,දැන් හොදි මදි.මොකද කරන්නේ ගෙනත් දානවා ලි‍ඳෙන් වතුර බාල්දියක්.

ඔය ලිඳ බැරිවෙලාවත් වැසිකිළිය ගාව තියෙන එකක් නම් ඒ කඩෙන් කන අයට දෙවියන්ගේම පිහිටයි.මොකද වැස්ස කාලෙට ලිඳේ ජල මට්ටමයි අරකේ මට්ටමයි සමාන වෙනවා.

ඒ වගේම අපි කන ඒවට දාන ඔය අඩුම කුඩුම වලටත් හොඳම ඒවා දානවා.ඒ කියන්නේ මිරිස් කුඩු වෙනුවට ගඩොල් කුඩු,ගම්මිරිස් වෙනුවට ගස්ලබු ඇට,තුන පහ වෙනුවට පුන්නක්කු දාන තැන් තියෙනවා.ඒවා ඉතින් ගොඩක් අය දන්න ජිල් මාට්.

Image

wired.com

ඔය වගේ ජිල්මාට් එකක් දාන්න ගිහින් ඒ කියන්නේ බිත්තර තම්බපු වතුරෙන් නූඩ්ල්ස් තම්බන්න ගිහින් පහුගිය කාලේදි ජරමරයක් වුනා මතකත් ඇති.

අපි මේකට විසඳුමක් විදිහට ගොඩක් වෙලාවට කරන්නේ ඔය ලොකු ලොකු නම් තියෙන තැන් වලින් ලොකු ගානකට කන එක වුනත් ඒ වගේ වුනත් අවදානමක් තියෙනවා.

දවසක් අපි සරසවියේ ඉගෙන ගනිද්දි ලමයෙක්ගේ උපන්දිනයක් සමරන්න කියලා ලංකාවේ බේකරි ආශ්‍රිත නිෂ්පාදන අලෙවි කරන පියා සහ පුත්‍රයො ආයතනයකින් කේක් එකක් ගෙන්න ගත්තා.මොකද අපේ සරසවියට ආසන්නම බේකරියවුනේ ඒක.

අපි සාමාන්‍යයෙන් කේක් එකක් අහුවුනාම ඕක සෞම්‍ය සාන්ත දාන්ත විදිහට කන්නේ නෑ.පැන්න ගමන් කඩාගෙන කනවා.ඒ වුනාට මේක අර ගෑනු දරුවකුගේ උපන්දිනයක් හින්දා එතුමිය කැමති වුනේ නෑ අපි එහෙම කරනවට. ඉතින් අර පිහියක් එහෙම අරගෙන කපද්දි එක තැනක මෙන්න පිහිය හිර වෙනවා.බලද්දි තියෙනවා බෝන්ස් තෑගි.

“”බ්ලේඩ් එකක්””

Image

londonbaking.com

සමහරවිට පිටි අනපු අයියා අපිට කේක් එක කපන්න ඕන වෙයි කියලා බ්ලේඩ් එකකුත් එව්වාද දන්නේ නෑ.මොක වුනත් මේක දැකලා තරු පෙනිච්ච අපි ටික දවසක් යන කම්ම අර කඩා පැනීමේ හමුදා ආහාර ගැනීම නැවැත්තුවා.

දැන් මේක බැලුවම මොනවවත් කන්න බැරි වෙනවා කියලත් හිතෙන්න පුලුවන්.මොනවා වුනත් කියන්න වෙන්නේ අර ජීවත් වෙන්නේ කන්න කියන එක මතක තියා ගන්න එක.මොකද ජීවත් වෙන්නේ කන්න හින්දා තව කන්න දේවල් තියෙනවා කියලා හිතේ තියාගෙන කන්න වෙනවා.

අයිස් ක්‍රීම් කෙල්ලක් කළ හදියක්

Imagehttp://www.ehdwalls.com/1024×768/girls/girl-ice-cream-girl-cute-1024×768/

මම පහුගිය ලිපියෙදි ලොව පුරා අයිස්ක්‍රීම් නම් වූ රස මසවුල පැතිරීගිය හැටි කිව්වත් එහි පසුකාලීන තත්ත්වය ගැන වුවමනාවෙන්ම නොකීවෙ ඕනෑවට වඩා ලිපිය දිග වැඩි වන නිසා.ඇත්තටම ඒ විදිහට ලොව පුරා අයිස්ක්‍රීම් කම්හල්  ප්‍රචලිත වුවත් ප්‍රායෝගික ගැටලු ගණනාවක් උද්ගත වී තිබුනා.ලංකාවේ ව්‍යාපාරික උපදේශන ඔස්තාද්ලට අනුව නම් නිෂ්පාදන ගැටලුව ජය ගත්තා යනු සමස්ත ව්‍යාපාරික ජය යනු වුවත් ඇත්ත ලෝකයේදී ඒක හිතලුවක් විතරයි.කම්හල් තුල කොච්චර අයිස්ක්‍රීම් නිපදවූවත් එය පාරිභෝගිකයාට පහසු ලෙසකින් ලබා දීම ගැටලුවක් වුනා.වීදුරු බඳුන් මඟින්  මුලදී අයිස්ක්‍රීම් ලබා දුන්නත් ඒක දිගටම කිරීම අපහසු වුනේ කුඩා ලමුන් අතින් මේ වීදුරු බඳුන් බිඳී යාම වැඩි වීමත් එක්ක.විකල්පයක් ලෙස සුදු යකඩ කෝප්ප වල අයිස්ක්‍රීම් දෙන්න හැදුවත් කලින් ක්‍රමයේදි වගේම පිරිසිදු කරමින් පාරිභෝගික සත්කාරය දෙන්න ගියාම ඉතා දිගු පෝලිම් ජනනය වීමත් සිදු වුනා.නමුත් මේකටත් හරි අපූරු විසඳුමක් ලැබුනේ අහම්බයකින්.

Imagewallpaperscraft.com

1904 ඇමරිකාවේ ලුසියානා ප්‍රාන්තයේ අයිස්ක්‍රීම් වෙළෙන්දෙකුගේපෙම්වතියකට ලැබුනු ආදරණීය අයිස්ක්‍රීම් කටක් එයට පාදක් වූ බව තමයි කියවෙන්නේ.ඇය එදා ඒ ආදරණීය අයිස් ක්‍රීම් කට තමන්ගේ අලංකාර ඇඳුමේ හැළීම නවත්වන්නට වේෆර් බිස්කට් එකකින් ආවරණය කර ගන්නවා.ඉතින් මේ අයිස් ක්‍රීම් වෙළෙන්දාට අදහසක් එනවා එවැනි වේෆර් දවටනයක් වෙතින් අයිස් ක්‍රීම් ඉදිරිපත් කරන්නට.කොහොමවුනත් ඒක අද අපි දන්න පෆ් පේස්ට්‍රියකට සමාන වෙච්ච දවටනයක් වෙච්ච බව තමයි දැන ගන්න ලැබෙන්නෙ. 1903දී ඉටලෝ මාර්කොෆ් නම් කෙනෙකු අද අපි දකින කෝන් හැඩයේ දවටනයක් නිපදවලා තිබුනා.පස්සේ මේ අලුත් කෝන් හැඩය අයිස් ක්‍රීම් පිලිගැන්වීම සඳහා ප්‍රචලිත වුනා.

ඇමරිකාවේ මේ සියලු විජ්ජුම්බර සිද්ද වෙන අතරේ, 1922 එංගලන්තේ ඉන්න සොසේජස් නිෂ්පාදකයෙකු වෙච්ච ‍තෝමස් මෙල් හටත් අයිස් ක්‍රීම් නිපදවීමේ සිතක් පහල වෙන්නේ ග්‍රීෂ්ම සෘතුවේදී තමන් නිපදවන සොසේජස් වලට තිබුනු ඉල්ලුම සාපේක්ෂව අඩු වුන නිසා.මොකද ඉල්ලුම අඩු වීමට අනුරූපීව නිෂ්පාදනයත් අඩු කිරීමට සිදු වීම නිසා කම්හලේ අක්‍රීය කාලයක් හට ගෙන තිබීම වෙනත් නව නිමැවුමකට යොදවන්න ඔහුට හැකි වීම.සොසේජස් වලට සමාන හැඩයකින් යුතුව ඔහු නව අයිස් ක්‍රීම් වර්ගයක් හදනවා,හරියට දැන් තියෙන අයිස් චොක් වගේ.නමුත් සම්ප්‍රදායෙන්ම සොසේජස් නිෂ්පාදකයෙකු වූ ඔහුගේ නව අයිස් ක්‍රීම් විශේෂයට වෙලඳ සැල් හිමියො එතරම් කැමැත්තක් දක්වන්නේ නැහැ.උත්සාහය අතාරින්නේ නැති මොහු රෝද 3 ට්‍රයිසිකල් වල අයිස් පෙට්ටියක් බැඳගෙන”stop me & buy one” කියලා බෝඩ් ලෑල්ලකුත් එක්ක පාර පුරා ගිහින් අලෙවි කරන්න ගන්නවා.හරි ඉක්මනින්ම මේ ජංගම අලෙවි වැඩ පිළිවෙල නැගලා යනවා.වර්තමාන ice cream man සංකල්පය ඔන්න ඔතනින් ඇරඹුනා කියලා තමයි කියන්නෙ.

පසුබිම් කතා කොහොම වෙතත් ඉතාලිය හරියටම කියනවානම් සිසිලි දූපත් ආශ්‍රිත ප්‍රදේශ අයිස්ක්‍රීම් වල පරම්පරාගත හිමිකරුවො විදිහට තමයි සමහරු සලකන්නෙ.මොකද මාකෝ පෝලෝ විසින් අති සුවිශේෂි අයිස්ක්‍රීම් වට්ටෝරු ගණනාවක් ඔවුන්ට දායාද කළ බවට වන විශ්වාසය. අයිස්ක්‍රීම් කොච්චර සීතල ආහාරයක් වුනත් එහි උෂ්ණ ගති ඇති බව තමයි සලකන්නෙ.සීතල පිටින් අයිස්ක්‍රීම් කන්න ගියත් ඒක දිය වුනාම නම් ආයිත් කූල් කරලා ඒ ගතිය ගන්න බැහැ.මොකද අයිස්ක්‍රීම් හදද්දී අපි ගොඩක්   කරන්න ඕනි. වානිජ නිෂ්පාදනයේදී නම් මේක බට ගණනාවක් හරහා ඇවිත් වායු බුබුළු මිශ්‍ර වෙනවා.නමුත් දියවෙනකොට ඒක නැවත් ඒ වායු බුබුළු මුදා හරින නිසා ආයිත් කූල් කරොත් එන්නේ හරියට පාප්පයක් වගේ දෙයක්

.Imageicecreampark.com

රසටම අයිස්ක්‍රීම් කන්න මගේ උපදෙස නම් වැනිලා අයිස්ක්‍රීම් කූල් පිට තියෙද්දිම ඒක ඇතුලට වෙන්න කිතුල් පැනි වක් කරලා කන්න කියන එක.හැබැයි දිය වෙන්න කලින් කන එක තමයි හොඳ.(දිය වැඩියාව තිබේ නම් කවදාවත් කරන්න එපා)

සීතලට තුරුල් කරගන්න

Imagedailycaller.com

මේ දවස් වල ඉරට හැතැප්මයි හිතෙන තරමට අපි අවට පරිසරයේ උණුසුම වැඩිවෙලා.ගිනි ගහන රස්නේ සීතලට බදාගෙන තුරුල් කරගන්න හිතෙන්නෙ………….මට නම් පතම පත අයිස් ක්‍රීම් එකක්,ඒකත් තුරුල් කරගෙන නිකන් ඉන්න නෙවෙයි එක හුස්මට කාලා දාන්න.සමහරවිට අහවල් දේශප්‍රේමියෝ ඇවිල්ලා මම පර සුද්දගේ කෑම කනවා කියලා වර්ජනය කරන්න කියලා මොර දෙන්න පුලුවනි.ඒ හින්ද මම එයාලට හෙලුවෙන් වණන්න කියලා ice cream වෙනුවට හිම කිරම කියලා කියලා දානවා.ඇත්තටම අයිස් ක්‍රීම් වල ‍තෝම්බුව කොහොමද?ඇත්තටම ලෝකෙට අයිස් ක්‍රීම් දුන්නෙ සුද්දද?

පුරාණ ඊජිප්තුවේ රජ කරපු පාරාවෝ රජවරු සීත රටවලින් ආයාත කරපු හිම පතුරු විවිධ රස වලින් අනුභව කරලා තිබුනත් ඒක අයිස් කැට කෑමකට වඩා එහා ගිහින් නැහැ.එතකොට ඈත අතීතයේ රෝමයේ අධිරාජ්‍යයෝ උස කඳු මුදුන් වල මිදුණු නොඉඳුල් හිම කැටිති අරගෙන ඒවාට පලතුරු යුෂ වත් කරලා සීතලෙන්ම අනුභව කරලා තියෙනවා රජ මාලිඟා වලදී.රෝමය ගිනි ගන්න කොට වීනා වාදනය කරපු නීරෝ අධිරාජ්‍යයාගේ රජ බොජුන් අතර පලතුරු,කජු හා පැණි මිශ්‍රනයක් හිම වලින් සීත කරලා හදපු කෑමකුත් තිබුනලු.ඒක එහෙම වුනත් ක්‍රි.ව.11-12සියවස් වල ආසියාව පුරා ගවේෂණය කරපු මාර්කෝ පෝලෝ කියන දේශාටකයාගෙ සටහන් වල චීනයේ රාජකීය පවුල් අතර තිබූ කිරි සරුවත් විශේෂයක් ගැන සඳහනක් තියෙනවා.ඒක අද අපි දන්න අයිස් ක්‍රීම් වලට බොහෝම සමාන ආහාරයක් වෙලා තියෙනවා.ඒ නිසා ඒ කිරි සරුවත් කියන පානය යුරෝපයේදි ශීත කල ආහාරයක් වෙච්ච් බව තමයි විශ්වාස කෙරෙන්නෙ.

 Imageblurtit.com මෙයා තමයි මාකෝ පෝලෝ

1600 ගණන් වල  බ්‍රිතාන්‍යයේ රාජකීය බොජුන් පත් වල අයිස් ක්‍රීම් හා සමාන ආහාරතිබුනත් ඒක රාජකීයයන්ටම පමණක් සීමා වෙච්ච අධි සුඛෝපභෝගී ආහාරයක් වුනා.ඒවායේ වට්ටෝරු රාජකීය අරක්කැමියන්ටම පමණක් සීමා වෙද්දි සියවස් ගණනාවක් තිස්සෙ අයිස් ක්‍රීම් රස රහසක් විදිහට පැවතුනා.නමුත් සම්ප්‍රදායික වික්ටෝරියානු සදාචාරවාදී සංස්කෘතියට ටොකු අණිමින් සිටි නව ලෝකය මේ රස රහසේ රහස් හොයමින් හිටියා.1790දි ඇමරිකාවෙදි නෝර්මන් ජෙෆ්ස්සන් කියන පුද්ගලයා වැනිලා අයිස්ක්‍රීම් වල වට්ටෝරුව අනාවරණය කර ගන්නවා විතරක් නෙවෙයි ඒකට එවක ඇමරිකානු ජනපති වූ ජෝර්ජ් වොශින්ටන් එවක මුදලින් 200$ ත්‍යාගයකුත් දෙනවා.ධවල මන්දිරය හරහාම අයිස් ක්‍රීම් කියන රස මසවුල සාමාන්‍ය ජනතාවට අත පත් වෙනවා.

එවක වානිජ ලෝකයේ පෙර ගමන් කරුවා වෙච්ච ඇමරිකාව මේ නිමැවුමට වෙළෙඳ අගයක් එක් කිරීමට මග බලාගෙන හිටියා.1851 ඇමරිකාවේ බැල්ටිමෝර්හි කිරි සැපයුම් කරුවෙකු වූ ජැකොබ් ෆසෙල් එයාගේ අතිරික්ත කිරි වලින් අයිස් ක්‍රීම් හදලා විකුණන්න ගන්නවා.වැඩේ නැගලා යද්දි ඔහු මුල්ම අයිස් ක්‍රීම් පැට්ටරිය විවෘත කරනවා,පස්සේ ඇමරිකාව පුරාමත් එයින් යුරෝපයටත් අයිස්ක්‍රීම් කම්හල් පැතිරෙනවා.

Imageleewardlaw.com මෙයා තමයි ජේකබ් ෆසෙල්