ගණිකාවට ගණිකාවක් ඉරිසියා කරයි.18+Should prostitution be legalized?

ගණිකාව,වරංගනාව,අබිසාරිකාව,රෑ සමනළිය,නගර ශෝබිනිය…මේ හැම වචනයකින්ම පැහැදිලි වෙන්නේ ලෝකේ පරණම වෘත්තිය කරන කාන්තාවන්ව.මේ ලිපිය කියවන්න කියලා පිවිසෙන ඕනම කෙනෙකුට මුලින්ම පුංචි අවවාදයක් දීලම පටන් ගන්න මං කැමතියි.ඒ තමයි මේක පොඩි ලමයින්ට ඒ කියන්නේ හිතින් පොඩි ලමයින්ටත් (ඔය වගේ දේවල් ඇහුවාම බඩ කුරුවල් වෙන අය) අවශ්‍ය දෙයක් නොවේ කියන එක.ඒ නිසා මේක කෙළින්ම 18+.

විවිධ අයට මේ කාන්තාවන් ගැන විවිධ අදහස් තියෙනවා.ගණිකා වෘත්තිය නීති ගත කරන්න ඕන.මේ ඒ ගැන එක් ප්‍රධාන මතයක්.ඒ වුනාට ගණිකා වෘත්තිය නීති ගත කරනවට විරුද්ධව ගණිකාවොම විරෝධතා පෑවොත් මොකකින් මොකක් වෙයිද?

 ලෝක ඉතිහාසය පිරික්සා බලද්දි අපිට පේන එක දෙයක් තමයි කොපමණ වීරයෝ හිටියත් ඒ වීරයෝ බොහෝ දෙනෙක් තමන්ගේ වීර ක්‍රියා,යුධ ජයග්‍රහණ,මන්දිර,රාජධානි,අභිමානය,මේ ඕනම දෙයක් කාන්තාවක් අභියස දූවිලි ගාණට දාලා තියෙනවා කියන එක.ඒක එයාලා කළාටත් වඩා තමන්ගේ අභිමානය විසින් කරන්න බල කලා.ඒ වීරයෝ දිනාගත් සියල්ල මිල මිල වුනේ ගැහැණියක් සතු ප්‍රධානම හා ප්‍රබලතම ශක්තිය වෙත.ඒ නිසාම කාන්තාවකට තමන්ගේ පහස කියන එක කොච්චර හොඳට අලෙවි කරන්න පුළුවන්ද කියන එක මත රාජධානී වල ඉරණම තීරනය කරන්න පුලුවන් වුනා.ඉතින් ගණිකා වෘත්තිය ලෝකේ පරණම රස්සාව වෙන එක අහන්නත් දෙයක්ද?

ඒත් එහෙම ගණිකා වෘත්තියේ යෙදෙන එක සැලකුණේ අසම්මත දෙයක් විදිහට.අපි සමහර සමාජ වල දකිනවා රජවරුන්ට අන්තංපුර තිබුනා කියලා.ඒ වුනාට ඒ තරමටම අපි අහලා තියෙනවද ‍රැජිනියන්ට පිරිමි අන්තංපුර තිබුනා කියලා?රජකෙනෙක් තමන්ට හිතෙන හිතෙන යුවතිය එක්ක යහන් ගත වීම ඓතිහාසිකවූත් වැදගත්වූත් සම්මතයක් ලෙස දකින සදාචාරවාදීන්,යම් කිසි ‍රැජිනියක්,පාලිකාවක්,දේශපාලනඥවරියක් පිරිමි කිහිප දෙනෙකු එක්ක ලිංගික සබඳතා තියන් ඉන්නවා කියන එක මහා පාපයක් ලෙස දකිනවා.ඇයි ඒ?

ඒකට හේතුව තමයි සම්ප්‍රදායික මතය තුල ඉන්න පුරුෂෝත්තම වෙච්ච ලිංගික අසහනය.කෙල්ලෝ දාහක් එක්ක නිදි වැදුන එකත් හොයන්නේ විවාහයට කන්‍යාවක්.

Image

දැන් තමයි නියම හරිය.ගණිකා වෘත්තිය සමාජයකට අවශ්‍යද?ඔව්.ඇත්තටම අවශ්‍යයි.අනිවාර්යයි.ඒක ලෞකික සමාජයක් නම් ගණිකා වෘත්තිය අත්‍යවශ්‍යයි.දැන් මේක කිව්වම ලංකාවේ ඉන්න බඩු වාදී කුහක සදාචාරවාදීන් කලබල වෙන්න ඕන නෑ.හේතුව මෙන්න මේකයි.

මිනිසාගේ මූලික අවශ්‍යතා ආහාර,ඇඳුම්,නිවාස වලින් විතරක් සීමා වෙනවා සම්ප්‍රදායික පාසල් අධ්‍යාපනය තුලදි.ඒත් ප්‍රයෝගික ලෝකය තුල ඒකට සෞඛ්‍ය පහසුකම්,අධ්‍යාපනය,නිදහස,ඒ වගේම විනෝදය වගේ ඒවත් එකතු වෙනවා.මෙන්න මෙතනදි තමයි ලිංගිකත්වය කියන දේ මිනිස් අවශ්‍යතාවක් විදිහට කරළියට එන්නේ.ඒක සාමාන්‍ය ඕනම මිනිසෙක්ට පොදුයි.

සම්මත ලෝකය තුල මිනිසා හදාගෙන තියෙනවා විවාහය කියන බැඳීම ඒ ලිංගිකත්වය කියන දේ ලබා ගන්න.ඒත් විවාහය කියන්නේ දීර්ඝ කාලීන බැඳීමක්.

ආබාධිත පුද්ගලයෙක්,ස්ථිර රස්සාවක් නැති මිනිහෙක් විවාහය කියන සම්මතය තුල ඉඳගෙන තමන්ගේ මේ ලිංගිකත්වය කියන දේට යන්නේ කෝමද?

අනික ගොඩක් පිරිමි ගෙදර කොච්චර කොහොම ඉව්වත් වෙන වෙන හෝටල්වලිනුත් කන්න හොරෙන් හරි යනවනේ.ඉතින් මේ ප්‍රායෝගික තත්ත්වය එක්ක සමාජයකට ගණිකා වෘත්තිය ඕන වෙනවා.මොකද නැත්නම් මේ වෙන වෙන හෝටල්වලින් කන්න යන කට්ටිය හොරා කන්න ගන්නවා.බලෙන් කන්න ගන්නවා.

Image

socialpolis.net

හැබැයි මෙන්න මෙතනදි තමයි හරි ලස්සන වැඩේ වෙන්නේ.සාමාන්‍යයෙන් ගහක ගෙඩි කොච්චර තිබුනත් මිනිස්සු යන්නේ තහනම් ගෙඩි කන්නනේ.එතකොට ගණිකාව කියන දේ සමාජයේ තහනම්,නැත්නම් අසම්මත දෙයක් වෙලා තියෙනවට මිනිස්සු හරි කැමතියි.මොකද එතකොට තමයි තමන් හොරෙන් ගන්න දෙයක් විදිහට වින්දනය කරන්නේ.මේක එලිපිට තිබ්බම සාමාන්‍ය දෙයක් වෙනවා.එතකොට තමන් හොරෙන් කළා කියන වින්දනය අර කුහක සදාචාරවාදීන්ට අහිමි වෙනවා.

එතකොට ගණිකා වෘත්තිය නීතිගත වෙනවා කිව්වම ගණිකාවන්ට බය හිතෙන්නේ ඇයි?

ගමේ හරක් හොරා මරතේලිස්, ගමේ දාන සුපිරි වෙළෙඳසැලේ හරක් මස් විකුණනවා කියලා ඒකට විරුද්ධ වෙනවා.

හේතුව මං මුලින් කිව්ව තත්ත්වය නිසා.තමන් සතු ප්‍රධානම ශක්තිය, තමන්ගේ එකම බලය බවට පත් කරගත් කෙනාට, ඒකම නීතිගත කරලා අනික් අයටත් නම්බුකාර විදිහට දෙන්න අවස්ථාව හදලා දුන්නම තමන්ගේ හොට බිම ඇනෙන හින්දා.

Image

එතකොට එයාට තමන්ව අලෙවි කරන්න අමාරු වෙනවා.මොකද කෙලින්ම ඒක දෙන අය නීතිය තුලම ඉන්න නිසා.අනික අසම්මතය තුල මේක කරපු අයට නීතිගත වෙන්න සිදුවෙන හින්දා තමන්ට ඕන මඟුලක් ඕන විදිහට කරගන්න බැරි වෙනවා.නීතියට අනුකූල වෙන්න වෙනවා.

තමන් නීතියට පිටින් ඉඳගෙන අලෙවි කරපු තමන්ගේ ලිංගිකත්වය,විවෘත වෙළෙඳපොලක හුවමාරුවෙන සේවාවක් වෙන්න ගන්නවා.තමන් අනියමින් බලය පාවිච්චි කරා නම් තමන්ගේ ලිංගික සේවා අලෙවිය නීතියට යටින් ඒත් නීතියට හයිරම් දාමින් පවත්වගෙන යන්න,ඒක තවදුරටත් සුම්මා.

කවුරුහරි නීතිය කඩ කරලා පරණ පුරුදු විදිහ කරන්න හැදුවොත් අර නීතියට අනුගත වෙච්ච කෙනා නීතිය කඩ කරලා අසාධාරණ වාසියක් ගන්න කෙනාට විරුද්ධව පියවර ගන්නවා.

Image

recultured.com

තේරෙන සිංහලෙන් කිව්වොත් නීතිගත වෙච්ච ගණිකා නිවාසය,නීතියට පිටින් යන ගණිකාවට යුද්ධ ප්‍රකාශ කරනවා.හරියට ටවුමේ rest house අයිතිකාරයා හොර room දෙන කෙනා එක්ක තරහයි වගේ.

ඉතින් ලංකාවේ ගණිකා වෘත්තිය නීතිගත කරන්න කියලා කවුරුහරි කිව්වම ඒකට එරෙහිව පටෝරියං ගා ගණිකාවක් හෝ ගණිකා සංවිධානයක් පිකට් කළොත් පුදුම වෙන්න එපා.එයට බාප්පලා අනුග්‍රහය දැක්වූවොත් එයටද පුදුම විය යුතු නැත.

අන්තිමට මං මේකත් කියනවා.මේක ගණිකා වෘත්තිය නීතිගත කරන්න ඕනද නැද්ද කියන එක ගැන සංවාදයක් නෙවෙයි.ගණිකා වෘත්තිය නීතිගත කරනවට එරෙහිව ගණිකාවන්ම විරෝධය පෑමට ඇති හැකියාව කියන එකයි කියලා තියෙන්නේ.

මගේ බඩේ ගායට අනුන්ට බඩ යාම.journalist’s self esteem.

එක එක ජාතියේ ජරාව කාපුවාම බඩේ ගාය හැදෙන එක පුදුමයක් නෙවෙයි.ගොඩාක් පරණ කුමාරෝදය පොතක තිබුණ විදිහට පුහුල් දෝසි බඩේ ගායට හොඳයි.ඒ වුනාට ඒක මං නම් අත්හදා බලලා නෑ.මොකද ඔය පොතේම තමයි අර බිම නිදා ගෙන ඉඳලා වලහගෙන් ගැලවෙන්න පුලුවන් කියලා කිව්වෙත් මතක විදිහට.වටේ යන්නේ නැතිව අද යාං හෑල්ලට ආවොත් අද කියන්න යන්නේ තමන්ගේ බඩේ ගායට අනික් අයටත් බඩ යනවා කියලා හිතන එක ගැන.මං මේක ලියන්න හිතුවේ අද ලංකාවේ මේ වැඩේ යමරෙට යන හින්දා.පැහැදිලි වෙන්නත් එක්ක මං සිද්ධ වෙලා තියෙන කතාවකුත් එක්කම කියන්නම්.

Image

kpopinsider.com

ඔන්න දවසක් ලංකාවේ රජයේ රූපවාහිනී නාලිකාවක ප්‍රවෘත්ති විකාශයක් යනවා.මේකේ ප්‍රධාන පුවත් අතරේ මහා දෙයක් විදිහට උලුප්පලා ප්‍රවෘත්තියක් යනවා.ඒකේ කියන්නේ මේ ලංකාවේ ලමයින්ට ලිංගික අධ්‍යාපනය දෙන්න ඕන විදිහ. ඒ ප්‍රවෘත්තිය ලියලා තියෙන මාධ්‍යවේදියා ලංකාවේ සංස්කෘතිය,සභ්‍යත්වය,ශිෂ්ටත්වය ඔය ඔක්කොම එක්ක කියන්නේ මොකක්ද මේ ලංකාවේ ලමයින්ට ඉස්කෝලවල ලිංගික අධ්‍යාපනය දෙන්න කියලා ලොකු වුනාම.ඒ කියන්නේ උසස් පෙළ වගේ වුනාම.මොකද ඊට කලින් ලමයින්ට ඔය ගබ්සාව,උපත් පාලනය,ස්ත්‍රී දූෂණය වගේ දේවල් ගැන ඉස්කෝලේ ඉගැන්වූවම ලංකාවේ සංස්කෘතියට අහිතකරයිලු.

සාමාන්‍යයෙන් ආණ්ඩුවේ හොරණෑ වලට මේවා මතක් වෙන්නේ ඔය මොකක් හරි දිනයක් ආවාමනේ.ඒත් ඇයි මේ දැං????????

Image

funnyjunk.com

 අන්තිමට යන කතාවෙන් තමයි මිනිහට මේ හදිසියේ මේ වගේ දෙයක් මතක් වුනේ ඇයි කියලා බළලා මල්ලෙන් එලියට පනින්නේ.ඒ මාධ්‍යවේදියාට ඩෝං ගිහින් තියෙන්නේ මිනිහගේ 6 වසරේ ඉගෙන ගන්න ලමයගේ පාසල් පෙළපොතේ ගබ්සාව,ස්ත්‍රී දූෂණය,උපත් පාලන ක්‍රම ගැන සවිස්තරාත්මකව පාඩම් ඇතුලත් වෙලා.

ඒ කොහොමද,මොකද ලංකාවේ ඔය පාඩම ඉස්කෝල පොත් වල උඩින් පල්ලෙන් හරි යන්නේ 8-9 වසර වෙද්දිනේ.?

මේකනේ වැඩේ,මිනිහගේ ලමයා යන්නේ international school එකකට.

ඒකේ පෙළ පොත් ඇමරිකාවේ ලමයින්ට දෙන එකම තමයි.මිනිහට ඒකට බඩේ ගාය හැදිලා.තමන් තමන්ගේ දරුවා ඉංග්‍රීසි කතා කරන ලංකාවේ මහ පොළොවට උඩින් යන විදිහට අනුන්ට පාරම් බාන කෙනා, ඒ ලමයගේ විෂය නිර්දේශය දැක්කම පරල වෙලා.හරි, එහෙම වුනා කියමු.ඉතින් අපිට මොකද?මිනිහට ඒක කියන්න තිබුනේ ඒ පාසලේ පාලනාධිකාරියට.මාධ්‍යයෙන් අපිට කියන්නේ අපිට පාන්ද?

ඊළඟ කතාව.

මේ කියන නාලිකාවෙම ක්‍රීඩා ප්‍රවෘත්ති යනවා.එදා ලංකාවේ ජාතික ක්‍රිකට් කණ්ඩායම තරග කරනවා ලංකාවෙම.තව ලංකාවේ මලල ක්‍රීඩා කණ්ඩායමක් වෙන රටක ගිහිල්ලා පදක්කම් දිනලා.මොකක්ද එදා ප්‍රධාන ප්‍රවෘත්ති විකාශයේ ප්‍රධාන හා එකම ක්‍රීඩා පුවත?

ජාතික ක්‍රිකට් කණ්ඩායමේ තරගය?

මලල ක්‍රීඩා ජයග්‍රහණය?

නෑ.ඒ මාධ්‍ය ආයතනයේ සේවකයෝ ගහපු ටෙනිස් බෝල මැච් එකක් ගැන.

Image

ලංකාවේ ජාතික ක්‍රිකට් කණ්ඩායමේ තරගයට වඩා මලල ක්‍රීඩා අන්තර්ජාතික ජයග්‍රහණයට වඩා ඒ ආයතනයේ අයගේ බෝල ගැහිල්ල වැදගත්???????

පස්සේ තිබ්බ මාධ්‍ය වැඩමුළුවකදි මෙන්න මේ අයගේ මාධ්‍ය භාවිතාව හරි අපූරුවට පැහැදිලි කෙරුනා.

ප්‍රශ්නය මේකයි.

අපි දවසේ ප්‍රවෘත්ති කියන්න යන්න ඉන්නවා.මේ දැන් අපිට වැදගත් තොරතුරු තුනක් එනවා.

1 ලංකාවට තව විනාඩි 10 කින් සුනාමියක් එනවා(ලු හොඳේ)

2 ලංකාවට තව විනාඩි 5 කින් රට මැදට දූවිලි කුණා‍ටුවක් එනවා.

3 චීනේ ජනාධිපති හදිසියේම මිය ගිහින්.

 

දැන් මේ ප්‍රවෘත්ති අපි කියනවානම් අනුපිළිවෙල මොකක්ද?මොකක්ද මුලින්ම කියන්නේ?

අපි කිව්වේ කුණා‍ටුව කියලා ඊට පස්සේ සුනාමියත් ඉක්මනටම කියනවා කියලා.

 

මෙයාලට අනුව උත්තරය වැරදියි.

මුලින්ම කියන්න ඕනේ චීනේ ජනාධිපති මිය ගිය එක.ඒ ගැන ලොකු විග්‍රහයකුත් එක්ක.මොකද අපි කුණා‍ටුව ගැන හරි සුනාමිය ගැන හරි කිව්වොත් ජනතාව ප්‍රවෘත්ති විකාශය නොබලා පණ බේර ගන්න යනවා.එතකොට එයාලගේ ප්‍රවෘත්ති බලන්නේ කවුද?

අපි ඇහුවම ජනතාවට වෙන අනතුර ගැන,එයාලගේ උත්තරය වුනේ එයාලට ඒවා ගැන වගකීමක් නෑ කියන එක.

Image

flickriver.com

 තමන්ගේ බඩේ ගාය ගැන අපිට බඩ යනවා වගේ මහ ලොකුවට දෙසනවා.තමන්ගේ පුද්ගලික ප්‍රශ්නය රටේ දැවෙන ප්‍රශ්නය කරලා පෙන්නනවා.තමන්ගේ දෘෂ්ටි කෝණයෙන් නැත්නම් තමන් කඩේ යන දේශපාලුවගේ ඇසින් විතරක් ප්‍රශ්න දිහා බලනවා.

සැකකරුවෙක් අත් අඩංගුවට ගත්තම ඒක වැරදිකාරයෙක් කරන්නේ අධිකරණයට කලින් මාධ්‍ය.ලංකාවේ අලුතෙන් එන ඕන තක්කඩියෙක්ව,හොරෙක්ව,වංචාකාරයෙක්ව මහා ආධ්‍යාත්මික නායකයෙක්ව කරලා පුම්බලා අන්තිමට පච වුනාම දන්නේ නැති ගාණට ඉන්නවා.ඇත්තටම තමන්ට ඒ ලොක්කා ගැන අමාරුවක් තියේනම් තමන් සුව කර ගත්තා නම් ඉවරනේ.ඒත් කරන්නේ පුලුවන් තරම් හොර ගෙඩින්ව උඩ දාන එක.එකකට පස්සේ එකක්.

Image

blogs.tribune.com.pk

 

 

ඒක ඔවුන්ගේ ප්‍රාග්ධනනීය අවකාශය වෙන්න පුලුවන්.ඒත් ඒකෙන් හානි වෙන පුද්ගලයින්ට වෙන්නේ මොකක්ද?

crocodile Vs Uthpalaa,කිඹුලා විනාශයි18++++

තමන් නොකරපු වැ‍රැද්දකට දඬුවම් විඳින අය ලෝකයේ ඕනම රටක ඉන්න පුලුවන්.කාලෙන් කාලෙට ඒ වගේ කතා අපිට අහන්න ලැබෙනවා.ලියෝ ටෝල්ස්ටෝයිගේ ඒ වගේ කෙටි කතාවක් මීට ටික කාලෙකට කලින් ඉස්කෝල ලමයින්ගේ 11 වසර සාහිත්‍ය පොතකත් තිබුනා.ඒත් තමන්ගේ හොඳම යාලුවෙක් වරදක් කරද්දි ඒ වරදට තමන් සම්මාදම් නොවී අන්තිමට තමනුත් ඒකේ කොටස්කාරයෙක් වෙනවා කියන්නේ මොන වගේ දෙයක්ද කියලා හිතලා බලන්න.මේ කතාවත් ඒ වගේ.

ඔන්න ලංකාවේ ප්‍රමුඛතම නගරයක යාබදව තිබුනා පිරිමි පාසලක් එක්කම කාන්තා පාසලක්.මේ දෙකම ජාතික පාසල්.ඒ වගේම බොහොම ඉහලින් තමන්ගේ ඉස්කෝලවල අභිමානය තියාගන්න උත්සාහ කරන ඉස්කෝල දෙකක්.අදටත් එහෙමයි.ඒ මොක වුනත් මේ ඉස්කෝල දෙක අතරේ කොල්ලො කෙල්ලො යාලු වෙන එකනම් මොන ජගතටවත් නවත්තන්න පුලුවන් වුනේ නෑ.මොකද කොල්ලන්ට කෙල්ලන්ට නලියන්ටමයි හිත කියලා කතාවකුත් තියේනේ.

Image

artconnected.org

ඉතින් මං මේ කියන්න යන්නේ මේ ඉස්කෝල දෙක අතර සිද්ධ වෙච්ච ආදර පලහිලව්වක් ගැන තමයි.තේරුම් ගන්න පහසුවට මෙහෙම කියන්නම්කො.මලින්ද කියන්නේ අර පිරිමි ඉස්කෝලේ හිටපු කොල්ලෙක්.(මේ ඉස්කෝලේ 12 වසරේ හොඳේ).එයා යාලු වෙලා හිටියේ අර බාලිකා පාසලේ යුවනි කියලා 11 වසරේ ඉගෙන ගන්න ගෑනු ලමයෙක් එක්ක.ඔය ආදරේ කාටත් හොරෙන් ලියලලා දළුලා වැඩුනා.සාමාන්‍යයෙන් ඔය වයසෙදි පිරිමි ලමයින්ට වගේම ගෑනුලමයින්ටත් තමන්ගේ ආදරය ප්‍රායෝගිකව අත්හදා බලන්න ඕන වෙනවනේ.

(අර කතාවක් තියෙන්නේ ගෑනු ලමයි තමන්ගේ මුල්ම ලිංගික පාඩම ලබා ගන්නේ තමන්ගේ පෙම්වතාගෙන් නැත්නම් ස්වාමි පුරුෂයාගෙන්,පිරිමි ලමයි ඒක ගන්නේ තමන්ට වඩා අත්දැකීම් සහිත කාන්තාවකගෙන් කියලා)ඉතින් මේක මේ දෙන්නටත් ඕන වුනා.

Image

moviecus.com

දවසක් මලින්ද යුවනිත් එක්ක එහෙම ප්‍රායෝගික පාඩමක් අත්හදා බලන්න තීරණය කළා.තැන ඒ ඉස්කෝලෙට කිලෝමීටර් 2-3 විතර ඈතින් තිබ්බ වනාශ්‍රිත පැත්තක්.ඒක කොහොමත් ප්‍රසිද්ධ එව්වට තමයි.හැබැයි වැඩේ කියන්නේ දෙන්නම මේකට එන්ටර් වුනේ ඉස්කෝල ඇඳුම පිටින්.මොකද cut කරන්න පුලුවන් class එකක් තිබුනේ ඉස්කෝල යන දවසක් තමයි.යන අපායට තනියම යන්නේ මොකද කියලා දෙන්නම දෙන්නගේ යාලුවො දෙන්නෙකුත් සෙට් කර ගත්තා.මලින්ද ආවා සමීරත් එක්ක.යුවනි ආවා උත්පලා එක්ක.මුන් දෙන්නත් ඉස්කෝල ඇඳුම පිටින්.ඒ දෙන්නා ආවේ තේරෙන සිංහලෙන් කියනවානම් ඔත්තු බලන්න.දැන් ඔන්න හතර දෙනාම ඔය වනාන්තරේ hunting ගියා කියමුකෝ.

පරණ ජෝඩුව සැලසුම ක්‍රියාත්මක කරලා එලියට එද්දි අර ඔත්තු බලන්න ආව දෙන්නා මිසිං.

දැන් මලින්දයයි යුවනියි බය වෙලා බලද්දි මෙන්න සමීරයි උත්පලයි එනවා අස්සක ඉඳන්.වෙලා තියෙන දේ හිතා ගන්න පුලුවන්නේ.

Image

stonehearty.com

දැන් ඔන්න ඔහොම වැඩේ වුනා කියමුකෝ. ඔන්න දැන් තමයි නියම කතාව පටන් ගන්නේ.

යනකොට ගිය කපල් එක එනකොට කපල් දෙක වෙලා දැන් හිමීට පරක්කු වෙලා වගේ class එකට යන්නත් අවුල්.මුන් හතර දෙනා එ පැත්තෙම රෝන්දෙ ගගහ ඉන්නකොට මතක් වුනා “කිඹුලා”ගේ ගෙවල් ඒ ගාව නේද කියලා .

කිඹුලා මුන් හතරදෙනාවම දන්න අර පිරිමි පාසලේ ලමයෙක්.මේකලා කිඹුලගේ ගෙදර ගියා.එදා කිඹුල ඉස්කෝලෙ ඇරිලා ගෙදර.මේ ජෝඩු ජෝඩුව එනවා දැකපු කිඹුලා බය වුනා මේ මොන මරාලයක්ද පාත් වෙන්නේ කියලා.මුන් ඇවිල්ලා කිඹුලගේ යාලුවො කියලා කිඹුලගේ ගෙදරින් දැන ගත්තට මේ හවස 3.00 ට විතර කොල්ලො දෙන්නෙකුයි කෙල්ලො දෙන්නෙකුයි ඉස්කෝල ඇඳුම පිටින් ගෙදරට පාත් වුනාම කිඹුලගේ ගෙදර අයට තේරුනා මෙතන මොකක් හරි ජර මරයක් තියෙනවා කියලා.

එහෙම හිතලා කිඹුලට කිව්වා හිමීට මේකලව පිටත් කරන්න කියලා.මොනවා වුනත් තමන්ගේ ගෙදරට ආපු යාලුවොනේ කියලා කිඹුලා ගියා පාරට මේ ජෝඩු ජෝඩුවත් එක්ක.ඔන්න තමයි වැඩේ.මොන කරුමෙකට හරි අර උත්පලාගේ ගමේ එකෙක් මේ පැත්තෙන් යද්දි මේක දැක්කා.

මේ වගේ breaking news මොකට අත අරිනවද කියලා හිතපු උන්දෑ මේක එසැනින් දැන්නුවා උත්පලාගේ ගෙදරට මේක.එදා හවස පුරුදු විදිහට ගෙදර ගිය උත්පලාව ගමටම ඇහෙන්න අඬ බෙර ගහලා පිළි ගත්තු උත්පලාගේ පවුලේ අය එදා ඒ කෙල්ලව කෝ‍ටු මස් කරලා තිබුනා.

අන්තිමට දවස් දෙකක් ගිහිල්ලා අර උත්පලාගේ අම්මලා පිරිමි ඉස්කෝලෙට පැමිණිලි කරලා කාට විරුද්ධවද?

කිඹුලට එරෙහිව.කෙල්ල පාවලා දීලා තියෙන්නේ කිඹුලව.(සමීරව නෙවෙයි).

Image

මේ පිරිමි පාසලේ විදුහල්පති අපායේ යමයා වගේ කෙනෙක්.මේ ප්‍රශ්නේ විභාග කරපු එයා මලින්දවයි සමීරවයි ඉස්කෝලෙන් අස් කරා.කිඹුලා, ඉස්කෝලේ ශිෂ්‍ය නායකයෙක්.badge ගැලෙව්වා.පන්ති තහනම් මාසෙකට.

ඒ ඉස්කෝලේ විදුහල්පති මාරයෙක් වුනත් මිනිහට වෙච්ච දේ තේරිලා තිබුනා.ඒ හින්දා උත්පලා කිව්ව දේ බොරු කියලා ඔප්පු වෙච්ච හින්දා කිඹුලට අනුන්ගේ පව් වලට කර ගහන්න වුනේ නෑ.ඒ වුනාට අදටත් මට හිතා ගන්න බැරි එක දෙයක් තියෙනවා.ඇයි උත්පලා මේකට සම්බන්ධ නොවුන කිඹුලාව පාවලා දුන්නේ කියලා.(සමීරව බේරලා)?

nalin Vs deepthi,at the bar/වංචාව හා ආත්ම වංචාව

පොර ටෝක්,නැව් ටෝක්,නයි ඇරීම මෙව්වා මිනිස්සුන්ට හොඳට අල්ලලා යන දේවල්.තමන් මොන වැඩේ කරන්න ගියත් අන්තිමේදී තමන්ගේ වරුණෙන් කතාව ඉවර කරන පොරවලුත් නැතුවම නෙවෙයි.ගොඩක් වෙලාවට තමන්ගේ වැඩ කිඩ අනුන්ට කියන්න පුරුෂ පාර්ශවේ අයට වඩා ස්ත්‍රී පාර්ශවේ අය දක්ෂ වුනාට සමහර වෙලාවට පිරිමිත් කිසිම වගේ වගක් නැතිව මේ වැඩේට enter වෙනවා.ඒ වුනාට මෙතන තියෙන හරිම විහිලුව තමයි එතනම තමන්ගේ ආත්ම වංචාව දිග ඇරෙන එක.සමහරු තමන්ගේ ආත්මීය දර්ශනය දිග අරින්න ගිහිල්ලා අන්තිමට කියන පොර ටෝකෙන් තමන්ගේම දාර්ශනික නිරුවත අනුන්ට පෙන්වලා එනවා.

එක දවසක් ලංකාවේ නම ගිය ආයතන දෙකක වැඩ කරන ලොකු තනතුරු දරන දෙන්නෙක් බාර් එකකදි සෙට් වුනා.සාමාන්‍යයෙන් ඔය මතුපිට ලෝකයේ ඉන්න මිනිහා යට ගිහිල්ලා දාර්ශනික මිනිසා මතු වෙන්නේ ඔය වගේ බාර් වලනේ.බාර්වලට ඇවිල්ලා ඔය මිනිස්සු කියන කතා අහගෙන හිටියොත් හෙට උදේ සමාජ විප්ලවය සිද්ද වෙයි කියලා හිතෙන්නේ.ඒ වුනාට වෙරි හිඳුනට පස්සේ මොකක්වත් නෑ.ඉතින් මේ දෙන්නත් එකට බෝතල් හිස් කරන ගමන් තම තමන්ගේ ‍රැකියාව ගැන,ක්‍රීඩා ගැන,පරණ ලවු හුටපට ගැන කියවලා අන්තිමටම ආවා තමන්ගේ රට දියුණු කිරීමේ සංකල්පය දිහාට. මං දෙන්නට නම් දෙකකුත් දෙන්නම්කෝ නලින් හා දීප්ති කියලා.

Image

dailymail.co.uk

නලීන් කියනවා “මචං මේ රට හදන්න බෑ මචං,මේ ජරා දේශපාලකයො රට කාලා.උන් හැම දේකටම ඇඟිල්ල ගහනවා.ඉස්කෝලෙකට ලමයෙක් දාගන්න ගියත් ඒකත් උන්ට ඕන එකාව තමා දාන්නේ.ළඟ ඉන්න එකා කපලා වෙන වෙන එවුන්ව දානවා.පාරක් හදන්න ගියත් උන්ට ඕන එකාට තමයි ටෙන්ඩර් දෙන්නේ.ඕකුන්ව එලවලා අපි අලුත් පාලන ක්‍රමයක් ගේන්න ඕන මචං.

දීප්ති කියනවා”හරියට හරි මචං,අපි සමාජය ගැන හිතන හොඳ මිනිස්සු ටිකක් බලයට ගේන්න ඕන.සුදුස්සාට සුදුසු තැන දෙන්න ඕන.දූෂණ වංචා නැති කරන්න ඕන.ඔය අල්ලස් ගන්න එවුන්ව එලවලා දාන්න ඕන”

නලීන් කියනවා “ඔව් මචං, අපි සිංහල බෞද්ධ ජන පදනමක් ගේන්න ඕන.දැන් බලපං අරාබිය,උන් ඔච්චර දියුණු වෙලා ඉන්නේ උන්ගේ ආගම මුල් තැන තියලා වැඩ කරන නිසානේ.දේශපාලකයො නෙවෙයි තීරණ ගන්නේ,ආගමික නායකයො තමයි මිනිස්සු කියන්න කරන්න ඕන දේවල් කියන්නේ.අන්න රටවල්.”

“ඒ වුනාට මචං නලියා,උඹ දන්නවද කියුබාව දියුණු වුනේ කොහොමද කියලා?නෑ දන්නේ නෑ.කවුරුවත් දන්නේ නෑ.මං තමයි දන්නේ.උන්ගේ රටේ ලමයි ඉගෙන ගන්න ඕන රටේ පාලකයා කියන දේ.වවන්න ඕන මොනවද,කන්න ඕන මොනාද කරන්න ඕන මොනාද,ඔය හැම දෙයක්ම උන් සැලසුම් කරලා කරන්නේ.ආයි බල බල ඉන්න දෙයක් නෑ.කොහොමද උන්ගේ අධ්‍යාපනය ඈ,පට්ට” කියන ගමං දීප්ති තව අඩියක් ගැහුවා,ඒ බෝතලේ Jack Daniel කියලත් ගහලා තිබුනා.

නලියත්  chicken කෑල්ලක් කටට ගන්න ගමන් “අධ්‍යාපනේ කියන කොටනේ මට මතක් වුනේ,උඹ දන්නවද මට අපේ පොඩි එකාව majestic ඉස්කෝලෙට දාගන්න ගිහින් වෙච්ච වැඩක් කියලා ගැහුවා දීප්තිගේ උරිස්සට පාරක්.දීප්තියා බලං ඉන්නවා.නලියා කියනවා”මචං මං හෝමර් ඇමතිතුමාගේ ‍රැස්වීම කීයක කතා කරාද,කොච්චර ලිපි ලිව්වද,උඹට කියන්නේ මං මේ අත් දෙකින්ම ලිපි ලියුවා බං ඇමතිතුමාට පක්ෂව පත්තරවලට.ඒ වුනාට මිනිහා මගේ ලමයා majestic එකට දාලා දෙන්න බෑ කිව්වනේ.මගේ එකා ඉස්කෝලෙට ගත්තොත් නීති විරෝධියිලු.අනේ උගේ බම්බුව.මගේ ලමයව ඉස්කෝලෙට දාන්න බැරි නම් මොකක්ද උගේ ඇමති පට්ටමේ ඇති වැඩේ?හහ්ං, මං ගියා “යකා” ඇමතිතුමා ළඟට,සු‍ටුස් ගාලා majestic එකට අල්ලපු ඉඩමේ හිටපු ගරාජ් කාරයගේ ලමයගේ නම කැපුවා.ගන්න කිව්වා මගේ ලමයව,කොහොමද මගේ වැඩ?”

Image

iskconesiretree.net

“ඉතින් අර අයින් කරපු ලමයාගේ දෙමව්පියෝ ලෙඩ ඇද්දේ නෑ?”මොන ඒ වගේ සොකඩයෝ කවුද මං කවුද?මං නලින් දැන ගනින්,ඔය වගේ සොකඩයින්ටද යකෝ majestic තියෙන්නේ,උන් මේ ලොකු වෙලා මොකෝ රට අල්ලන්නයෑ majestic ගිහිල්ලා.මං අපේ කොල්ලව majestic යවලා පස්සේ ඇමරිකාවේ යවන්න තමයි හිතං ඉන්නේ,ආයිනං මං ගියේ නෑ අර උලමා,හෝමර් ගාවට,තුහ්ං”

දැං මේක අහද්දි දීප්තිටත් අවුල්,මොකෝ නලියට වඩා ලොකු පොර ටෝකක් දෙන්න එපායැ.මිනිහත් කියපි “මංනම් support කරන්නේ “සල්ලං”ඇමතිතුමාට,මං එතුම ලඟට ගිහින් පස්ස හැරෙද්දි මට වැඩේ කරලා දුන්නා.මොකද මං පටන් ගත්තනේ අපේ ගමේ ඉන්න රස්සා නැති කෙල්ලන්ට සිංගප්පූරුවේ රස්සා හදලා දෙන වැඩක්.මංම උන් එක එකා අරගෙන පරීක්ෂණ කොරලා,කොරලා හොඳම උන් ටික ‍තෝර ගත්තා.

Image

eonline.com

සල්ලං ඇමතිට කියලා මං පාද ගත්තා පොටක් හොර පාරෙන්ම උන්ටික රට පටවන්න.ඔය පොලෝසියේ එකෙක් හරි ආවොත් අල්ලන්න මං උන්ට බත් කවනවා කලවංචිකුඩියේ.එහෙමයි මගේ හැටි හරිය.”

“අන්න මිනිස්සු,උන් වගේ මිනිස්සු තමයි අප්පා මේ රටට ඕනේ,අපි මේ අඩියක් පුඩියක් ගහන් ආතල් එකේ ඉන්නේ ඒ හින්දනේ,ඒපාර තමයි මට කල්පනාවට ආවේ,හෙට දහම් පාසලේ ‍රැස්වීමක් තියෙනවා උදේම චරිත වර්ධනය ගැන ,ඒකට හොඳ දේශනයකුත් හදන්න ඕන.දැං බිව්වා මදැයි යමං යන තැනකට””එහෙනං උඹත් වරෙන් මගේ සම්මුඛ පරීක්ෂණ මධ්‍යස්ථානෙට,අද පරීක්ෂා කරන්න තියෙනවා ලබන සතියේ රට යවන කෙල්ලො දෙන්නෙක්ව,උන්ගේසුදුසුකම් කොහොමද කියලා”

මේ අතර මුන් දෙන්නා මාරු වනු දු‍ටු වේටර් වහා පැමිණ “සර් සර්,බිල””බිල, යකෝඅපි අහවල් බුවා හරිද?නිකං පලඩෝ යන්න  @#%^^ *&^%%