කකා ගියා,මොකක්ද ගියේ?????????18+Terms in short.

දැන් මේ කතාව මොකක්ද,කකා කොහේද ගියේ කියලා තකහනියෙම බලන්න එන අය ඉන්නවා නම් මුලින්ම කියන්න ඕන මේක ඇවිල්ලා වැඩිහිටියන්ට පමණක් වෙන් වෙච්ච කතාවක්.

මේ සිද්ධිය වුනෙත් කොහොමත් අංකල් වයසේ ඉන්න අය අතරේ හින්දා කොහොමත් පොඩි එවුන් මේක නොබලන එක හොඳයි.

ඒ වගේම මේක මේ කාවහරි ඉලක්ක කරන් මඩ ගහන්න හදපු දෙයක් නෙවෙයි කියලත් මං කියන්නේ නැත්නම් මේ වචනවල අයිතිය තමන්ගේ කර ගත්ත කවුරුහරි කෙනෙක් ඒක තමන්ගේ මහා පතිවත කෙලෙසුනා කියලා මෙතන නාහෙන් අඬන්න ගත්තොත් තව විජ්ජුම්බරයක් වෙන හින්දා.අ‍ටුවා ටීකා ටිප්පණි පැත්තකින් තියලා කෙලින්ම කතාවට බහිමුකෝ නේද?

මේ සිදුවීම වුනා කියන්නේ ඉස්කෝලෙක.

මේ ඉස්කෝලෙත් ඔය අනික් ඉස්කෝලවල ඉන්නවා වගේම ඉන්නවා ළමයි,ගුරුවරු,විදුහල්පති…ඔය ඔක්කොම.

ඔය ඉස්කෝලේ විදුහල්පති ටිකක් කඩි කුලප්පුවක් තියෙන කෙනෙක්.ඒ කියන්නේ ඕන දේටයි එපා දේටයි හැම දේටම දඟලනවා.

මෙයා ඔන්න ඔහොම ඉන්න කොට දවසක් මේ ඉස්කෝලෙට ආවා පරීක්ෂකවරු පිරිසක්.එයාලා කොහොමත් ඉස්කෝලවලට එනවනේ එව්වා පරීක්ෂා කරලා බලන්න.ඔන්න ඉතින් මේ පරීක්ෂකවරු කට්ටිය ඉස්කෝලේ හැම තැනම ඇවිදලා කරලා ආවා කාර්යාලේ ලිපි ලේඛන බලන්න අන්තිමටම.

 

ඇවිල්ලා බැලුවා විදුහල්පතිගේ  වාර්තා පොත.දැන් මගෙන් අහන්න එපා හැම ඉස්කෝලෙම එහෙම තියෙනවද කියලා..මේ ඉස්කෝලෙ තිබුනා.කොහොමත් එහෙම එකක් හරි ඊට සමාන එකක් හරි තියෙන්න ඕන.

ඔන්න ඉතින් මේක කියවලා බලද්දි මේකේ හරි අපූරු සටහන් වගයක් තියෙනවා මේ පරීක්ෂකයො දැක්කා.

 

කකා ගියා.

දිකා ගියා.

පුක සඳහා ගියා.

 

දැන් මේ පරීක්ෂකයින්ට හරි අවුල්.ඇයි යකෝමේ මොන කුණුහරුපයක්ද මේ ලියලා තියෙන්නේ කියලා.

ඇහුවා විදුහල්පතිගෙන් මේ මොකක්ද කියලා .

විදුහල්පති කියනවා  “ආ මේ මං යන ගමන් කෙටි කරලා ලියන විදිහනේ.”

“ඒ කියන්නේ?”

“දැන් මේ කකා ගියා කියන්නේ කලාප කාර්යාලයට ගියා කියන එක”

“දිකා ගියා කියන්නේ දිස්ත්‍රික් කාර්යාලයට ගියා කියන එක.”

එතකොට පුක සඳහා ගියා කියන්නේ?වැසිකිලියට ගියා කියන එකද?

නෑ..පුද්ගලික කරුණක් සඳහා ගියා.

 

ඒ පාර පරීක්ෂකයො ටික කිව්වා මෙහෙම.අනේ විදුහල්පතිතුමා බැරි වෙලාවත් අපේ කාර්යාලෙට එහෙම නම් එන්න එපා.

ඒ මොකද සර්…

අපි ඇවිල්ලා ප    ළාත් කා   ර්යාලෙන්,

Advertisements

එම්බා යුවතිය….පමා වැඩියි ඔබ,hey girls…you are too late.

හා පුරා කියලා අවුරුද්දට පස්සේ ඒ කියන්නේ මං කාපු අවුරුද්ද හෙවත් මාව කාපු අවුරුද්දට පස්සේ පෝස්ට් එකක් දාන්න හිතුවා.අද මං දාන්න යන්නේ ඉස්කෝලේ යන දවස්වල එක්තරා ටියුසොන් පන්තියකදී සිද්ද වෙච්ච අලකලංචියක්.

මේ කියන පන්තිය ඇවිල්ලා සද්දන්ත පන්තියක්.ඒ කියන්නේ දැන් කියන්නේ ඔය අර mass classes, hall classes කියලා අන්න ඒකක්.

මේ පන්තියේ ලමයින්ට වාඩි වෙන්න බංකු පේලි තුනක් තිබ්බා.සාමාන්‍යයෙන් වෙන විදිහට මේකෙත් ඉස්සරහ පේළි වල ගෑනු ලමයි සහ පස්සේ පේලිවල පිරිමි ලමයි තමයි වාඩි වෙලා හිටියේ.

මේ ගුරුවරයා මේ පැත්තේ නම ගිය ගුරුවරයෙක් නිසත් අනික් අතට එයාට හොඳ තරගයක් දෙන්න තරම් ලොකු ගුරුවරයෙක් හිටපු නැති නිසත් මෙයාගේ පන්තියේ ලමයි තද බද වෙලා තමයි හිටියේ.ඒ හින්දා පරක්කු වෙලා එන ලමයින්ට විශේෂයෙන්ම අපි වගේ කොල්ලන්ට ඉඳගන්න ගියාම හරි අර්බුද.

මේකට පිළියමක් විදිහට කෙල්ලො ඉන්න පේලිවලට කොල්ලො දාන්න හැදුවත් අන්තිමේදී කෙල්ලගේ කෙසේ වෙතත් ඒ කොල්ලන්ගේ ආරක්ෂාව ගැන හිතලා ඒ වැඩේ නවත්තන්න ඒ සර් හිතුවා.

අන්තිමටම වුනේ පරක්කු වෙලා එන පිරිස පන්තියේ අර ඩෙස් පේළිවල ඉස්සරහම පේලියට ගෙන්නන එක.දැන් එතකොට ඉස්සරහ පේලියේ පිරිමි ලමයි.ඊට පස්සේ පේලි ගණනාවක් ගෑනු ලමයි,ඊටත් පස්සේ පිරිමි ලමයි.දැන් ඕක තමයි මේ කියන්න යන කතාවේ පදනම.මොකද මේ තත්ත්වය දන්නේ නැතුව මේ කියන්න යන සංසිද්ධිය වෙච්ච විදිහ හිතා ගන්න අමාරු වෙනවා.

අපිත් එක්ක හිටපු එක කොල්ලෙක් තමයි බට්ටා.මූට මුලින් කිව්වේ වම්බොට්ටා කියලා වුනත් පස්සේ අපි ඒක හැදුවා බට්ටා කියලා.

අර පහුගිය කාලෙක ඡන්ද වැඩවලදි කතා වෙච්ච වම්බොට්ටා එහෙම නෙවෙයි මේ.බට්ටා කලින් පොළක දා ගත්තු ලෙඩක් හින්දා තමයි ඌට වම්බොට්ටා කියලා කිව්වේ.

දැන් බට්ටාත් මේ පන්තියේ යාව ජීව සාමාජිකයෙක්,විශේෂයෙන්ම අර උදේට පටන් ගන්න පන්තියට දවල්ට කාලා එන ජාතියේ පොරක් තමයි බට්ටා.අපි සාමාන්‍යයෙන් මේකා පරක්කු වෙලා එන කතාව දන්න හින්දම මේකට ඉඩ අල්ලලා තියා ගත්තත් විභාගේ ලංවෙලා දවසක තිබ්බ පන්තියක හොඳටම ඉඩ මදි වුනා.ඒ කාලේ පෝන් එහෙම එච්චර තිබ්බේ නැති හින්දා මේකට කියන්න විදිහකුත් නෑ.අපි ඉන්න පේළියෙත් දැන් මේකට ඉඩ නෑ.

ඔන්න ඉතින් සුපුරුදු පරිදි බට්ටා උගේ වෙලාවට පන්තියට ආවා.ඉඩ නෑ.

දැන් මොකද කරන්නේ? බට්ටයි ඌත් එක්ක පරක්කු වෙලා ආපු පිරිසයි ගියා ඉස්සරහම පේලියට.

ඌට පිටිපස්සේ දැන් ඉන්නේ අපේ පැත්තේ තිබ්බ බාලිකා පාසැලක නට් බුරුල් වෙච්ච කෙල්ලො ටිකක්.

අපි නම් කියන්නේ උන්ට කලිසම් කකුලක්  වත් පෙන්නන්න බැරි ජාතියක් කියලා.(උන් අපිට කියනවලු අපිට රේන්ද පටියක් පෙන්නුවත් ඇති කියලා…ඒ කියන්නේ උන්ගේ කවුරු හරි අපිට රේන්ද පටි පෙන්නන්න බලන් ඉඳලා තියෙනවා….)

දැන් මුන්ට බට්ටා වගේ ඇම්ඩන් පොරක් උන්ගේ ඉස්සරහට ආපුවාම හෙන ජික් එක.බට්ටාට ඇහෙනවලු මුන් එක එක කතා කු‍ටු කු‍ටු ගානවා,හිනා වෙනවා,එක එක වැඩ කෝටියයි.

අනික බට්ටත් නිකං ඉන්න පොරක් නෙවෙයිනේ,ඌ තැනකට ගියාට පස්සේ එතන ඉන්න කෙල්ලො එක එක විදිහට අවුස්සනවා.මූ කොච්චරවත් පන්තියකට ආපුවාම ඒ අවට කෙල්ලෙක් හිටියොත් ඌට ඕන හැම දේම ඉල්ලන්නේ    ඒ කෙල්ලගෙන්.පෑනේ සිට වතුර බෝතලය දක්වා.ඉතින් මූ මෙතනත් එහෙමයි.ආපු වෙලේ ඉඳන් පිටිපස්සේ කෙල්ලන්ගෙන් පෑන් ඉල්ලනවා,වතුර ඉල්ලනවා.වැඩ කෝටියයි මූට.

ඔන්න දැන් පන්තියේ ඉන්ටර්වල් එක.මේකා ගියා පන්තියෙන් එලියට.ගිහිල්ලා රෝන්දයක් එහෙම ගහලා එන කොට මේක දැක්කලු මේකගේ පොත් ටික, ඒ කියන්නේ අර මේසේ උඩ තිබ්බ පොත් ටික කවුරුහරි ඇදලා දාලා කියලා.මේකා පොත් ටික පෙරලලා බලද්දි මෙන්න තියෙනවා අන්තිමට නෝට් එක ලියලා ඉවරවෙච්ච තැන chit එකක්.හිමීට වාඩි වෙච්ච බට්ටා කියෙව්වා එක.ඒකේ ලියලා තියෙනවා ගීතයක පද දෙකක්.

“”සඳේ සිසිල මට එපා, සඳට වැඩියෙන් සිසිලක් ඔබගෙන් ලැබෙනවා….”” කියලා.

මූ දැන ගත්තා මේක නම් අනිවා පිටිපස්සේ ඉන්න කෙල්ලොන්ගේ මගඩියක් කියලා.මූව මඩවන්න හිතා ගෙන මේ කෙල්ලො ටික මේක දැම්මා කියලා මූට ෂුවර්.මොකද ඒ කෙල්ලන්ගේ කොල්ලො, බට්ටගෙත් හොඳ යාලුවො.

හිමීට ඉඳ ගත්ත බට්ටා මුකුත් දන්නේ නෑ වගේ ඉන්නවා.දැන් ඔන්න පන්තිය ආයි පටන් ගන්න කියලා හදන්නේ.තාම සර් අර වේදිකාවට ආවේ නෑ පන්තිය පටන් ගන්න.

බට්ටා ට පිටිපස්සේ අර කෙල්ලෝ ටික වාඩි වෙලා.මුන් හිමීට හිනා වෙනවා බට්ටට ඇහෙනවා.මූත් හරියට ඒ වෙලාවෙ දැක්කා වගේ අර chit එක අතට අරන් බොරුවට රඟපානවා.

ඔන්න දැන් සර් ආවා.

මූ එක පාරටම මොකද කරේ සර්ට දුන්නා අර chit එක හරියට සර්ට ආපු එකක් වගේ .සර් දන්නේ නෑනේ මේ කතාවක්.සර් ගත්තා chit එක.කියෙව්වා  mike එකෙන්.

මේ සර්ගේ කටහඬ හරියට තල් අත්තට බොරළු ගහන්න වගේ.කියවද්දි පන්තියට විතරක් නෙවෙයි පාරටත් එක්ක ඇහෙනවා.ඉතින් සර් මහ සද්දෙන් මේක කියවලා අන්තිමට කියනවා

“”දුව ප්‍රමාද වැඩියි දැන්””…කියලා.

මොකද සර් හිතලා තියෙන්නේ ඒක එයාට එවපු එකක් කියලනේ.මේකත් එක්ක මුළු පන්තියම හිනා වුනා විතරක් නෙවෙයි කරුමෙටම සර් අර බට්ටට පස්සේ හිටපු පේළිය දිහා බලලා මේක කියපු හින්දා උන් ටික නැට්ටටම මේකට අහු වුනා.

මේකෙන් පස්සේ බට්ටා පන්තියට පරක්කු වෙලා එන එක නම් නැවැත්තුවේ නෑ.එකම දේ මේක වෙන තැන් හොයාගෙන වාඩි වෙච්ච එක.අර සර්ගෙන් චා… වෙච්ච කෙල්ලො ටික පස්සේ බට්ටට return  එක දීලා තිබ්බා බට්ටා අර ඉස්කෝලේ try කරපු පොඩි කෙල්ලෙකුට ඉස්කෝලෙදි කෑ ගහලා පෝරියල් එකක් දීලා.

Sri Lankan girls with blue films?ලංකාවේ කෙල්ලෝ වැල හංගන්නේ කොහේද?

මේ කතාව ළමයින්ට හරි ඒවගේ හිතන පතන අයට හරි වුනත් කියවන්න හොඳයි.ඒ වුනාට ඒ අය මේ කතාව නොකියවන තරමට හොඳයි කියලා මං කියන්නේ සමහරුන්ට ඒ කියන්නේ ඔය වැල වරකා කිව්වම බඩේ අමාරු හැදෙන (අර වැල ගෙඩියක් පුහු පොල් ගෙඩියක් එක්ක පත බාපු පබිලා එහෙම නෙවෙයි) අයට මේක කියවලා නිකං බඩ පෙරලාගෙන එනවා වගේ දැනෙයි කියලා.

ඒ වගේම කෙල්ලො කියන්නේ මොකුත් නොදන්න අහිංසක බෝ පැල වගේ කියලා හිතන් ඉන්න කොල්ලො එහෙම ඉන්නවනම් අනිවා මේක බැලුවට කමකුත් නෑ.අ‍ටුවා ටීකා ටිප්පණි තියලා කතාවට කෙලින්ම බහින්නම්කො.

Image

zedge.net

සාමාන්‍යයෙන් අපි ඔය මොන වර්ගයේ කැම්පස් එකක ඉගෙන ගත්තත්, ඒ කියන්නේ රජයේද පුද්ගලිකද කියලා නැතුව ඔය ඕනම එකක ගොඩක් වෙලාවට ඉදිරිපත් කිරීම එහෙම නැත්නම් සිංහලෙන් කියනවනම් presentation කරන්න වෙනවා.කන්ඩායම් විදිහට හරි කේවල ඒ කියන්නේ තනියෙන් හරි මෙව්වා කරන්න වෙනවා.

හැම ළමයෙක්ටම වගේ මේ වගේ වැඩ වලදි එක එක විදිහේ අකරතැබ්බ වෙනවා.ඒ හින්දා හොඳට පුහුණු වීම් එහෙම කරලා තමයි මේවට යන්න ඕන.ඔය කණ්ඩායම් වැඩ වලදි නම් වෙන්නේ මොනවද කියලා අමුතුවෙන් කියන්න ඕන නෑනේ.

සමහරු කොච්චර කිව්වත් එන්නේ ඌට ඕන වෙලාවට මිසක් කියන වෙලාවට නෙවෙයි.

තව සමහරු අපේ කණ්ඩායමේ ඉන්නවා කියලා අපි දන්නේ අදාළ presentation එක කරන්න තියෙන දවසෙදි,මොකද එච්චර හොඳට එයාලා අපිත් එක්ක වැඩේට එකතු වෙලා තියෙනවා.

ඊට පස්සේ කොච්චර වෙලා ගියත් එතනට ගියාට පස්සේ වෙන වෙන මඟුල් තමයි කියවන්නේ.

අනික ඔය කන්ඩායම් අතර තරගයකුත් ඇති වුනාම හැම කන්ඩායමක්ම හදනවා තමන්ගේ එක අනික් එකට වඩා වෙනස් වෙන්න හදන්න.

ඔන්න ඉතින් ඔය වගේම තවත් එක් presentation එකක් අපිට කරන්න තියෙනවා කියමුකෝ.මේකෙත් කන්ඩායම් අතර තරගයක් ඇති කරගන්න අපේ බවලත් පාර්ශවය සමත් වුනා.දැන් ඉතින් හැම group එකක්ම හදන්නේ අනික් එකට වඩා වෙනස්ම විදිහේ presentation එකක් කරලා පෙන්නන්න.

ඉතින් අපිත් හැදුවා වෙනස්ම විදිහේ එකක්.ඒකට දාන්න ඕන ආලවට්ටම් එක එක ඒවා දාලා වැඩි පරිස්සමට pen වලයි DVD වලයි දෙකේම save කරලා තියා ගත්තා.

ඔන්න දැන් කරන දවස ආවයි කියමුකෝ.අපේ presentation  එකට අපේ group එක විතරක් අදාල lab එක ඇතුලට ගියා.

panel එකත් ඉන්නවා වාඩි වෙලා.

අපිත් ඔන්න වැඩේට බැස්සා.

කෙළියා තාප්පෙට.

වැඩ දාලා කරන්න ඕන කියලා power point නැතුව එකක් video විදිහට ගෙනාපු presentation එක open වෙන්නේ නෑ.

පස්සේ එක එක වැඩ දාලා වෙන video player එකක් තිබිලා ඒකෙන් pen එකේ තිබ්බ playlist එකක් open කරලා අපේ කර්තව්‍යය පටන් ගත්තා කියමුකෝ.(මතක තියාගන්න open කළේ playlist තිබ්බ එකක්)

වැඩේ නැඟලා ගියා ලොකු ප්‍රශ්නයක් නැතුව.panel එකත් අපේ වැඩට සැටිස්.අපිටත් ඉතින් සන්තෝසයි.අතර මැදදි අහපු ප්‍රශ්න වලටත් ගිඩි ගිඩි ගාලා උත්තරත් දුන්නා.ඒ හින්දා අපේ වැඩේ අවුලක් නැතුව ගොඩ දාගන්න පුලුවන් වුනා කියමුකෝ.දැන් ඔන්න අපේ මහා presentation එක ඉවර වුනා.ඒ කියන්නේ එකට හදපු video  එක නිමා වුනා.

දැන් තමා නියම සෙල්ලම පටන් ගත්තේ.මං කලිනුත් pen එකේ තිබ්බ playlist එකක් play කළේ කියලා.මෙන්න බොලේ අර playlist එකේ තිබ්බ ඊලඟ video එක open  වුනා.කරුමෙටම ඊළඟ එක ඇවිල්ලා

අමු වැලක්…………….

Image

wikipedia

මොකක්ද අමුම අමු වැලක්.

නිකං නෙවෙයි අපි soundsත් on කරලා තිබ්බේ.

දැන් පුළුල් තිරයේ යනවා නියම එක.ආයි නෑ on the spot practical.

දඩි බිඩි ගාලා ක්‍රියාත්මක වෙච්ච අපි දන්න සෙල්ලම් ටික දාලා වහාම ඒක close කරත් දන්නෝ දනිති ගානට වැඩේ ප්‍රදර්ශනය වෙලා තිබුනා.

ඒත් වාසනාවකට වගේ panel එකේ ලොක්කා ඊට ටික වෙලාවකට කලින් call එකක් ගන්න එළියට ගිහිල්ලා හිටියේ.panel එකේ ඉතුරු වෙලා හිටියේ අලුතින් අපිට කලින් batch එකකින් විශේෂ අනුකම්පාවක් ලැබිලා staff එකට ගත්තු demo බට්ටියෙක්(චෝයි අක්කියෙක්).

Image

ඒ අක්කි කටත් ඇරන බලන් හිටියා මිසක් මොකුත් කිව්වේ නෑ.අපිත් ටක් ගාලා හිමීට අපේ අඩුම කුඩුම ටිකත් අරන් එතනින් මාරු වුනා.

එළියට ආවට පස්සේ තමයි කතාව.

කවුද බං දන්නේ එහෙම එකක් තියේ කියලා? open කරපු එකා කියනවා.

pen එක අයිති එකා කියනවා උඹ මොකටද open කළේ කියලා.කොහොමහරි අන්තිමටම අපේ group එකේ හිටපු කෙල්ලො ටික කියපු එකට අපිට කට උත්තර නැතුව ගියා.

“”ඔයාලා ඒවා pen වල දැම්මේ ඇයි?ඒකනේ මේ අවුල.අපිනම් දාන්නේ hard එකේ.නිකංයැ කොල්ලො කියන්නේ මෝඩයෝ කියන්නේ”””

මේක කියපු කෙල්ල කොලේ ඉරා ගත්තා කියලා ඒකිටම තේරෙන කොට අපි හිනාවෙන්න පටන් අරං ඉවරයි.

කොහොමහරි අපි එදා දැන ගත්තා කෙල්ලො කොහෙද වැල හංගන්නේ කියලා.

දැන් එතකොට ‍ෆිල්ම් එක කොහොමද? How about the movie?

පන්සිල් පද පහෙන් තමන් මොන සිල් පදේ ‍රැක්කත් නැතත්, හතර වෙනි සිල්පදේ රකින්නැති එකාට ඕන සිල්පදයක් කඩලා රකිනවා වගේ ඉන්න පුළුවන්.මොකද හතරවෙනි සිල්පදේ හෙවත් තමන් බොරු කීමෙන් වළකිනවාය කියන එක කැඩුවාම තමනට ඕනම බොරු කෙප්පයක් අත අරින්න පුළුවන්නේ.ඒ කියන්නේ බොරු කියන කෙනාට ඕනම පව් වැඩක් කරන්න පුළුවන්,ඇයි කරලා නෑ කියන්න පුළුවන්නේ.ඉස්සරහට එන ඡන්ද කාලේ ටොම් පච ගැලුම් පිටින් දිග අරින හින්දා දැන්මම කෙප්පයක් සම්බන්ධ වැඩක් මං කියන්න හිතා ගත්තා.

මේක වුනේ අපි විශ්ව විද්‍යාලයේ ඉගෙන ගන්න කාලේ.ඒ කාලේ අපිට ලැබෙන හරි අපූරු අත්දැකීමක් තමයි විවිධ ආකාරයේ කලා කටයුතුවලට සම්බන්ධ වෙන්න ඉඩ ප්‍රස්තා ලැබෙන එක.හැම සරසවියේම වගේ මාසෙකට නාට්‍ය,චිත්‍රපටි,සංවාද,ආරාධිත දේශන 3-4ක් මාසෙකට සංවිධානය වෙනවා.මේවට ඉතින් ඕනම කෙනෙකුට අහන්න,බලන්න එන්න පුළුවන්.කාටවත් අනිවාර්ය නෑ.

ඔන්න දවසක් අපේ සරසවියේ (එතකොට අපි දෙවන වසරේ) සංවිධානය වුනා සම්භාව්‍ය සිනමා උළෙලක්.කොහොමත් චිත්‍රපටි උදේට පෙන්නන්නේ නෑනේ.හවසට පටන් අරන් රෑ වෙද්දි තමයි ඉවර වෙන්නේ.

අපේ බැච් එකේ හිටියා කොල්ලො දෙන්නෙක්,එක්කෙනෙක්ගේ කාඩ් එක කුකුළා.

අනිකා ඇවිල්ලා බඩා.

ඇත්තටම මේ කාඩ් සරසවි කාඩ් නෙවෙයි.මේ දෙන්නම සරසවියෙදි ‍රැග් එකට බයේ හැංගිලා හිටපු මේ දවස්වල ගල් රෝල පෙරලන්න ප්‍රසිද්ධ පාසලක දෙන්නෙක්.

කාඩ් ඉස්කෝලෙන් දාපු ඒවා.සම්පූර්ණ කාඩ් දාන්නේ නෑ,මොනවා වුනත් උන්ට කොහොම වෙතත් අපිට මේ ඉස්කෝලවල ආත්ම ගරුත්වය ගැන යම් හැඟීමක් තියේනේ.

ඔන්න මේ දෙන්නා, ඒ කියන්නේ කුකුලයි බඩායි දෙන්නම කතා වුනා මේ සිනමා උළෙලේ චිත්‍රපටියක් බලන්න එන්න.(මෙයාලා ගෙවල්වල ඉඳන් සරසවියට ආපු අය)

බඩා මුලින්ම ගෙදරට කියලා තිබ්බා මෙහෙමයි මෙන්න මෙදා මෙහෙම චිත්තරපටියක් පෙන්නනවා,ඒක බලන්න යනවා,රෑ වෙලා තමයි එන්න වෙන්නේ කියලා.

ඒ වුනාට කුකුළා කිව්වේ නෑ මෙහෙම චිත්තරපටියක් බලන්න යන කතාවක්.

මේකා අම්මට කියලා තියෙන්නේ මේ කියන දවසේ රෑ ලෙක්චර් එකක් තියෙනවා ඒ හින්දා රෑ වෙලා තමයි එන්න වෙන්නේ කියලා.ඒ මදිවට මේ දවසේ දවල් ලෙක්චර් නැති හින්දා මෙයා හවස තමයි කැම්පස් එන්න කියලා ගෙදරින් එන්න නියමිත වෙලා තිබුනේ.

 

ඔන්න කුකුළා ඔය කියන දවසේ ගෙදරින් අම්මට කියපු බොරුව පරිදි කැම්පස් එන්න පිටත් වෙලා.මිනිහගේ   ෆෝන් එක කරුමෙටම වගේ චාජ් බැහැලා.ඒක ගනන් ගන්නේ නැතුව මේකා එහෙමම කැම්පස් එනවා.මේ අස්සේ බඩා කලින්ම කැම්පස් ඇවිල්ලා බැලුවා කුකුලගේ ෆෝන් එකත් වැඩ නෑ.මේකා අද එන්නේ නැද්ද දන්නේ නෑ කියලා මිනිහගේ ඇලේ දාන්න වටින මොළය ක්‍රියාත්මක කරා.

බඩා ගත්තා කෝල් එකක් කුකුළගේ ගෙදරට.කුකුළගේ අම්මා ගත්තා ෆෝන් එක.

 

“”ආ ඇන්ටි මේ …… කතා කරන්නේ,මේ අපේ ……(කුකුළගේ නම ) ඉන්නවද දන්නේ නෑ නේද?””

 

“”ආ පුතා දැන් ආවනේ කැම්පස් එකට එනවා කියලා””

“” ආ…. ඇත්තද ඇන්ටි,මේ …… අද මේ අපේ කැම්පස් එකේ ‍ෆිල්ම් එකක් පෙන්නනවා කියලා …………….(කුකුළා) එනවා කිව්වා ඒකයි ගත්තේ””

කියලා බඩා බොහොම බුද්ධිමත් විදිහට සංවාදය ඉවර කරා.

 

දැන් ඔන්න කුකුළා කැම්පස් ආවා කියමුකෝ.බඩා කිව්වේ නෑ කෝල් එක ගැන.ඉතින් කුකුළත් බඩා එක්ක අර චිත්තරපටිය බලලා ගෙදර ගියා.

 

දැන් ඔන්න කුකුළගේ ගෙදර.

කුකුළා අම්මට විස්තර කරනවා ලෙක්චර් එක ගැන.

අපෝ අම්මේ අද කලින්ම ගිය එක හොඳයි,ලමයි ගොඩක් හිටියා,ලෙක්චරර් අපෙන් ප්‍රශ්න එහෙමත් ඇහැව්වා එහෙම කියලා කුකුළා දොඩවනවා.අන්තිමටම උගේ කියවිල්ල අහන් ඉඳලා ඒ අම්මා ඇහුවලු මෙන්න මෙහෙම

“”දැන් එතකොට ‍ෆිල්ම් එක කොහොමද?””

කුකුළා උඩ බිම බැලුවාලු.ඌට හිතාගන්නවත් බැරි වුනාලු අම්මා කොහොමද මේක දැන ගත්තේ කියලා.

ඇත්ත්ටම ඒ ආන්ටි මෙතන වැ‍රැද්දක් වෙලා නෑ කියලා තේරුම් ගත්ත නැති හින්දා අදටත් කුකුළා ජීවතුන් අතර.

බඩාගේ ටියුබ් ලයිට් මොළේට තමන්ගේ යාළුවා බේරගන්න තේරෙන්න බැරි වුනාට ඌට කැම්පස් එකේ විභාග පාස් කරන්න පුළුවන් වෙච්ච හින්දා දැන් බඩා ලොකු ඇකඩමියාවකින් ඉන්නේ.කුකුළ නම් කරන ජොබ් එක කිව්වොත් මට නඩු දායිද දන්නේ නැති හින්දා මං කියන්නේ නෑ.

තුන්කොන් සටන ඇරඹේ.Triangle of Love

ආදරවන්තයින්ගේ දිනය නැත්නම් වැලන්ටයින් දිනය.මීට ටික කාලෙකට කලින් එක පැත්තකින් ආදරය නාමෙන් රොද බැඳ ගත්තු වෙළෙන්දන් එක්ක ආදරය ට එරෙහිව සදාචාරයේ සීතාම්බර පට සලු පැලඳ ගත්ත ආදරය නොකරපු (කරන්න බැරි කමක් තියෙන) සංස්කෘතික පොලිසීය වෙන වෙනම සටන් කරා.ඒත් පෙරමුණු දෙකක.වෙන වෙනම.ඒත් අද එහෙම නෑ.හැමෝටම එපා වෙලා .සමහර විට අද ආදරය වෙනුවට කො‍ටු පැනීම ආදේශනය වෙලා තියෙන හින්දාද දන්නේ නෑ.

අද මං කියන්න හදන්නේ උණු කැවුම් වගේ කතාවක්. මේක සිද්ධ වෙලා වැඩි කාලයක් නෑ.කොහොමවුනත් මට මේ සිද්ධියේ ප්‍රතිඵලයක් විදිහට මොන විදිහේ තුන් කොන් සටනක් කරන්න වෙයිද දන්නේ නැති හින්දා මේක ලියලම දානවා.

අපේ කොම්පැණියේ ප්‍රධාන කාර්යාලයේ ඉන්න ලොක්කෙක්ගේ ඔපීසියට මේ ලඟදී ලේකම් බට්ටියෙක් ගත්තා.ඒ අංගනාවගේ නම මල්කි කියමුකෝ.ඇත්තටම මේ කෙලි පොඩ්ඩි රෝස  මලක් වගේ ලස්සනයි.(මට හොඳේ, අනික් එවුන්ට ක‍ටු විතරක් පේනවද දන්නේ නෑ)

අපේ තියෙන වැඩ කටයුතුත් එක්ක මං තුමාට නිතරම මේ ඔපීසිය පැත්තෙත් යන්න වෙන හින්දා මං ඉතින් ඒ පැත්තේ දවස ගානේ කැරකෙනවා කියමුකෝ.ඒ අතරතුරේ මේ මල්කිගේ විස්තරත් මට ටික ටික ආරංචි වුනා.කෙල්ල යන්තම් ඉස්කෝලෙන් එලියට ආවා විතරයි,පළවෙනි ‍රැකියාව.මේ කෙල්ල සම්මුඛ පරීක්ෂණේට ආවාම කන්න වගේ බලං හිටපු ලොක්කා තමයි මල්කිව තමන්ගේ ඔපීසියට ‍තෝරන් තියෙන්නේ.

කොහොමහරි ඔහොම ගියා කියමුකෝ.අපේ ඒ ලොක්කා අපේ වෙබ් අඩවිය හොඳට නග්ගලා ගන්න යෝජනා විමසුවා කියලා මට නිකං ඕපාදූපයක් ආවා.මාත් ඉතින් head office ගිය ගමන් කට නිකං තියා ඉන්න බැරිව වාචාලකමට කියලා ආවා එකෙක්ට

“”මල්කිගේ පොටෝ ටිකක් දැම්මා නම් වෙබ් එක නැඟී හි‍ටු කියලා”””කියලා.

අහෝ දුකකි,ඉරකි තිතකි.කවුරුහරි ගොට්ටෙක් මේක අහන් ඉඳලා මට කෙළවෙලා යන්න ලොක්කට කියලා.මට ආරංචියම ආවා ඇතුලෙන්ම කියලා පැය දෙක තුනක් යද්දි.

මං දැන් දැනගත්තා අනිවා ලොක්කා මට දැන් මොකක් හරි බයිටක් සෙට් කරනවම තමයි කියලා.මක් කරන්නද විසෙන් විස නසී කියනවනේ.මං එදා ඕනකමින්ම රිපෝට් වගයක් දෙන්න කියලා head office දිව්වා.

යද්දි ලොක්කා නෑ.

පොඩි බොස් හෙවත් මල්කි ඉන්නවා අසුන අරා එයාගේ.

ෂුවර් එකටම ලොක්කා දන්නවා කියන්නේ කෙල්ලත් දන්නවා කියන එකනේ.මං කෙලින්ම කතා කරා මල්කිට.

කෙල්ලත් පැන ගෙන ඕන එකෙක් එක්ක කතාවට එනවනේ.

පැය භාගයක් විතර ලෝකේ නැති පිස්සු ටිකක් දොඩවලා කෙල්ලව හොඳට මුරුංගා අත්තේ තියලා මං කියවපු ටික ශේප් කර ගත්තා කියමුකෝ.ඒත් ආයි පාරක් මගේ වාචාල කට ඉස්සර වුනානේ.අන්තිමට එන්න  ලං වෙලා මං කෙල්ලට හිමීට කිව්වා

“”මොනවා වුනත් මං කිව්වේ ඇත්තනේ.ඔයා අද ඇත්තටම ලස්සනයි “”කියලා.

(මොකද මං අර කියවපු ධනාත්මක චින්තන පොතක එහෙම කෙල්ලෙක්ව වර්නනා කරනවා තිබුනා මට මතක තිබුනා) එදා කෙල්ල ඇඳන් ඇවිත් තිබුනේ සුදු පාට ඔසරියක්.

ඒ බොසාට ඔය සාරි පටලවන් එන කෙල්ලන්ව අරහං.මිනිහා එදා මොකක් හරි එකකට මල්කිට හොඳට දෙසලා තිබිලා.

ඒ අවුල අස්සේ ඉන්න ගමන් මං ගිහිල්ලා මල්කිව හොඳට මුරුංගා අත්තේ තිබ්බම අප්සෙට් එකේ හිටපු කෙල්ල නෝමල් වෙලා.මං ඒ මදිවට අද ලස්සනයි කිව්වම ඒකිට මාර happy.

Image

thefrisky.com

 

ඔන්න මංතුමා ආවා කියමුකෝ ආපහු.ඊට පස්සේ දවසෙ ආයිමත් head office ගියා මං.මෙන්න යකෝ අපේ එවුන් මං ආවම නිකං කින්ඩියට වගේ බලනවා.සමහර කොල්ලො මං දිහා හරියට උන්ගේ කෙල්ල එක්ක යාලු වෙන්න ආපු එකා දිහා බලනවා වගේ රවනවා.මට මාර අවුල්.ඇයි යකෝ මුන්ගේ දවසින් දවස වෙස් පෙරළෙනවද කියලා කල්පනා කරං මං යද්දි මෙන්න එනවා මට කෝල් එකක්,මගේ නිල නොවන අයිතිකාරියගෙන්.

ඔ‍ෆිස් වෙලාවේ කෝල් ගන්න එපා කියලා එතුමියම කියලා තියෙද්දි ඇයි යකෝ කෝල් ගන්නේ මොකක් හරි කේස් එකක් කියලා ෆෝන් එක උස්සපු මට තේරුනා සම්පූර්ණ කතාව.කවුරුහරි එකෙක් මගේ කෙල්ලට දීලා හොඳ රස නිව්ස් එකක් උදේම, මං මල්කිත් එක්ක යාලුයි කියලා.

මං ඊයේ මල්කිත් එක්ක දොඩවපු එක මගේ කෙල්ල කොහොමද දන්නේ කියලා කල්පනා  කරපු මං මොකුත් නොදන්න ගානට කටින්ම කතාව අල්ල ගත්තා.

මං ඊයේ මල්කිත් එක්ක දොඩවපු එක මගේ කෙල්ල දන්නේ නෑ.(මාත් ඔලුව කල්පනා කරලා හොරාට කලින් කෙහෙල් කැන වැට පැන්නුවේ නෑ)

අද උදේ මල්කිට කවුරු හරි එකෙක් රෝස මල් පොකුරක් එවලා.කරුමෙට ඒකේ එවපු එකෙක් දාලා නෑ.ඉතින් මල්කි හිතලා ඊයේ මං ලස්සනයි කියලා එහෙම කියපු එකේ මං තමයි මේ වැඩේ කරලා තියෙන්නේ කියලා.ඉතින් මල්කි කාටවත්ම කියන්න එපා කියලා ඔ‍ෆිස් එකේ කෙල්ලෙක්ට කියලා.( කොච්චර හොඳට ඒක ඉ‍ටු කරාද කියන්නේ අල්ලපු කොම්පැණියේ වැඩ කරන මගේ කෙල්ලටත් කියලා)

රාවණා සීතා හා කැඩිල්ල.Ravanna,Seetha and bow.

රාවණා වගේම රාවණාගේ දුන්නක් කඩපු කතාවක් ළඟක ඉඳන් ලංකාවේ සිංහල අන්තර්ජාල කියවන්නන් අතර පැතිරිලා යනවා.රාවණා කෙසේ වෙතත් රාවණාගේ දුන්නක් කඩපු කතාව පැතිරිලා යන්නේ විහිළු කතාවක් විදිහට.

ඒත් ඇත්තටම රාවණාගේ දුන්න මොකක්ද?කවුද රාවණාගේ දුන්න කැඩුවේ?

මේ සියලු ප්‍රශ්න එහෙමම තියෙද්දි අදාල කතාව නිකං ලාමක ටිං ටිං විදිහට අරං හිනා වෙලා අමතක කරලා දානවා.

අද මං මේ කතාව ලියන්නේ මේකේ මුල්ම ඒ කියන්නේ original කතාව කියවන ඕනම කෙනෙකුට දැන ගන්න.ඒත් මං කියන්න ඕන මේ කතාව මගේ නිර්මාණයක් නෙවේ.මං මුලින්ම මේ කතාව කියෙව්වේ “”ගුරු සේවයේ රස කතා”” කියන පොතෙන්.මේ පොතේ  ප්‍රකාශකයා  මට අමතක වීම ගැනත් මං මගේ කණගා‍ටුව පළ කරනවා.

Image

sinhalapothak.blogspot.com

ඔය ලංකාවේ පාසල් ක්ෂේත්‍රයේ තියෙන එක පාලන ක්‍රමයක් තමයි ඉස්කෝල වලට කාලෙන් කාලෙට පරීක්ෂකවරු එවලා හොයලා බලන එක.මෙතනදි ගුරුවරු හොඳට උගන්වනවද කියන එක මූලිකව ඉස්කෝලේ ඉන්න අදාළ රාජ්‍ය සේවකයින් තමන්ගේ රාජකාරී හරියට කරනවද කියන එක බලලා යනවා.

ඔන්න දවසක් එක ඉස්කෝලෙකට ආපු පරීක්ෂකවරයෙක් ගුරුවරු හොඳට උගන්වනවද කියලා හොයලා බලන්න ළමයින්ගෙන් ප්‍රශ්න අහන්න ගත්තා.මේ පරීක්ෂකවරයගේ තියෙන එක පුරුද්දක් තමයි කොහොමහරි මොකක් හරි වැ‍රැද්දක් හොයන් අධ්‍යාපන කාර්යාලයට වාර්තා කරන එක.ඉතින් මෙයා එක එක විදිහට ප්‍රශ්න ඇහුවත් ළමයි ඉතින් කොහොමහරි උත්තරයක් ගැට ගහලා කිව්වා.ඉතින් මේ පරීක්ෂකවරයගේ හිතට හරි නෑ.ඒ පාර මෙයා ලමයින්ගේ සිංහල පොත පෙරලලා බැලුවා.ඒකේ තියෙනවා රාමායනය කතාවේ කොටසක්.

ඉතින් ඔය රාමායනය කියන කතාව දන්න අය දන්නවා ඒකේ තියෙන විදිහට සීතා කුමරිය, අම්මා තාත්තා නැතුව උපදින විදිහට තමයි ලියලා තියෙන්නේ කියලා.ඒ කියන්නේ ජනක කියන රජතුමා වප් මඟුල් උත්සවයට සහභාගී වෙලා ඉන්න අතර තුරදි සාන ලද බිමෙන් කුඩා දැරිවියක් හමු වුනා.ඇය සීතා කුමරිය විදිහට රජතුමා තමන්ගේ දියණියක් විදිහට හදා වඩා ගත්තා.නමුත් ඒ ගමන් ජනක රජතුමා හරි අපුරු ක්‍රීඩාවකුත් නිර්මානය කරලා තිබුනා යම් හෙයකින් මේ කුමරියගේ අයිතිකරුවෙක් ආවොත් කාට හිමි වෙනවද කියලා ‍තෝරගන්න.මොකද ඒ කාලේ ජාන ඉංජිනේරු විද්‍යාව දියුණු මට්ටමක තිබුණු බවක් වාර්තා වෙලා නෑ.

මේ සෙල්ලම තමයි ජනක රජතුමා සතුව තිබ්බ විසාල දුන්නක් තදින් ඇදලා ඒකට දුනු දිය එහෙම යොදලා ඒ දුන්න කඩන්න.

මේ දුනු කතාව කියද්දි මට මතක් වෙන්නේ යුලිසිස් කතාව.ඒකෙදිත් ඒ කියන්නේ හෝමර් විසින් රචිත ඔඩෙසි කියන කතාවේ පරිවර්තනයකට අනුව දීර්ඝ සමුද්‍ර ගමනකින් පස්සේ සිය රට බලා එන යුලිසිස්ට විතරක් අදින්න පුලුවන්වෙලා තිබ්බ දුන්නක් ගැන කතාවක් තිබුනා.කොහොමහරි අපි රාමායනේ කතාවට ආවොත් මේ දුන්න කඩා දමන, ඒ කියන්නේ අල්ලලා පොළේ ගහලා නෙවෙයි,ඇදලා නියම ක්‍රමය කඩන කෙනාට සීතා කුමරියගේ අයිතිය හිමි  වෙනවා.කතාව එලෙසම ගොඩක් කුමාරවරු ආවත් අපේ කතාවේ ප්‍රධාන චරිතය වෙන රාම කුමාරයා එනකන් කාටවත් බැරි වෙනවා ඒ දුන්න කඩලා දාන්න.ඉතින්  රාම කුමාරයා ඇවිල්ලා දුන්න කඩන්නෙත් සීතා කුමරිය ලස්සන කෙල්ලක් වෙලා ඉන්න කාලෙලු.ඒ කාලෙට ඉතින් සීතා කුමරිය හිමි කරගන්නේ කිරි පොවන්න නෙවෙයිනේ.ඉතින් රාම කුමාරයා සීතා කුමරියව බැඳ ගන්නවා.සමහරු කියන විදිහට නම් රාම කුමරයා එන කාලේ වෙන කොට අර ජනක රජුගේ දුන්න මලකඩ කාලලු තිබ්බේ.ඒක ඉතින් මං දන්නේ නෑ,කොහොමහරි රාම කුමාරයා ජනක රජුගේ දුන්න කඩලා සීතාව හිමි කරගත්තා.

දැන් අපේ කතාවට එමුකෝ.ඉතින් මේ පරීක්ෂකවරයා කල්පනා කරා මේක අහන්න.ඒත් එයා මේක ඇහුවේ වෙනස් විදිහකට.

“””ජනකගේ දුන්න කැඩුවේ කවුද?””

මතක තියාගන්න මෙතනදි මේ පරීක්ෂකවරයා මේ ප්‍රශ්නයට පසුබිම් වෙච්ච කිසිම දෙයක් කිව්වේ නෑ.ඒ ටික එයාගේ හිතේ.ඒත් ලමයි දකින්නේ තනි ප්‍රශ්නයක්නේ.ඒතමයි ජනක්ගේ දුන්න කැඩුවේ කවුද කියන එක.ඉතින් ලමයි තක්බීර් වුනා.

පරීක්ෂකවරයට සතු‍ටුයි.මොකද ලමයි කොර වුනානේ.ඒ පාර පරීක්ෂකවරයා සිංහ නාද කරලා ගුරුවරුන්ගෙනුත් ඇහුවා.එයාලත් දන්නේ නෑ.අන්තිමට පරීක්ෂකවරයා ඉස්කෝලේ ලොග් පොතේ සටහනක් දැම්මා “”පාසලේ අධ්‍යාපන කටයුතු අසතු‍ටුදායකය.ජනකගේ දුන්න කැඩුවේ කවුද කියා කිසිවෙක් නොදනිති””කියලා.ඒ වගේම ඒ සටහනේ පිටපතක් අධ්‍යාපන කාර්යාලේ අධ්‍යක්ෂකට එවන්න කියලත් කියලා ගියා.ඉතින් විදුහල්පතිවරයා ඒ කියපු විදිහටම සටහනේ පිටපතක් අධ්‍යාපන කාර්යාලෙට යැව්වම ඒ ලිපිය විවෘත කරේ ලේකම්.ඉතින් ලේකම් බැලුවා ආ මේ ඉස්කෝලේ උපකරණයක් කැඩිලා කියලා එයා එව්වා විදුහල්පතිට ලිපියක් මෙහෙම.

“පාසල් පිරියත හා උපකරණ නඩත්තු හා අලුත් වැඩියා කිරීමේ ටෙන්ඩරය තවම කැඳවා නොමැත.එතෙක් කැඩුනු කොටස් ඉන්වෙන්ට්‍රියෙන් ඉවත් කර වෙනම තබන්න””කියලා.

ඔන්න ඕක තමයි කතාව.එහෙම නැතුව රාවණාගේ දුන්නක් කැඩුවේ නෑ.

ඒ වගේම මේ කතාව ලාමක ටිං ටිං කතාවකුත් නෙවෙයි.මේ කතාවෙන් අපිට දෙන ආදර්ශය තමයි ප්‍රශ්න අහද්දි තමන්ට ඕන උත්තරේ හිතේ තියන් විවෘත ප්‍රශ්න අහලා වැඩක් නෑ කියන එක.

ඒ කියන්නේ විවෘත ප්‍රශ්න අහනවා එක එක විදිහේ උත්තර එන්න පුළුවන්.ඒත් ලකුණු දෙන්නේ එක උත්තරයකට.

උත්තරේ සිට ප්‍රශ්නය හැදුවට ප්‍රශ්නය විතරක් අරගෙන හිතන්නේ නෑ ප්‍රශ්න හදන කට්ටිය.ඔය සමාජ විද්‍යාවන් හදාරන කට්ටිය මේ තත්ත්වය අනන්තවත් දැකලා ඇති.

ඉතින් ඔය ඇකඩිමියාව වැළඳිච්ච කට්ටිය දිගටම අහන්නේ එකම ප්‍රශ්නය.

Image

ජනකගේ දුන්න කැඩුවේ කවුද?

cheating teachers ලංකාවේ ගුරු හොරු.

මේක ලිව්වට පස්සේ තැලෙන යකඩෙට උඩ පැන පැන දීමක් වෙනවා.ඒ වුනාට කමක් නෑ කියන්න තියෙන දේ කියලම දානවා.මේක ඇවිල්ලා ලංකාවේ ඉස්කෝල ක්‍රමය නැත්නම් පාසල් අධ්‍යාපන ක්‍රමය ගැන තමයි.මෙතනදි වෙච්ච දේ හැමෝටම වෙනවා කියලා කියන්නේ නෑ.ඒ වුනාට වෙන්න පුළුවන්.ඉස්කෝලවල පහළ පන්තිවලදි හරියට වෙන වැඩක් තමයි සමාන පද,විරුද්ධ පද,ඡ්ත්‍ර පද අරවා මෙව්වා හොය හොයා ලියන එක.

දවසක් මං  පොඩි කාලේදි  අම්මට සමාන පද ලියන්න කියලා ඉස්කෝලෙදි වැඩක් දුන්නා.කොහොමත් හැකි තරම් ලියන්න ඕන හින්දා මං ඉතින් දන්න හැම වචනයක්ම ලියුවා.මෙන්න පොත් බලද්දි  මං ලියපු එක වචනයකට වැරදි දාලා.මොකක්ද වචනය

“ජනනී”.

හේතුව අදාල ගුරුවරිය දන්නේ නෑ අම්මට සමාන පදයක් තමයි ජනනී කියන එක කියලා.

Image

මේ ගුරුවරීම තමයි පස්සේ වෙලාවක වතුරට අඹ කියලා ලියුවම ඒකට පොල් සයිස් එකේ වැ‍රැද්දක් දැම්මේ. ඇත්තටම ඒ වෙලාවේ මං ඒ ගැන තර්ක කරන්න ගියේ නෑ.ඒක කරබාගෙන හිටියා.පස්සේ කාලෙක මට තේරුනා ඒක ඒ ගුරුවරීගේ නොදැනීම කියලා.

පස්සේ කාලෙක මේ සිදුවීම මං තවත් යාලුවෙකුට කියද්දි එයාටත් ඒ වගේම අත්දැකීමක් වෙලා තිබුනා.ඒ සාමාන්‍ය පෙලදි.භාගික ආසවනයෙන් තෙල් හිඳීමට පාවිච්චි කරන පත්‍ර වර්ග ලියද්දි ඒ ලමයා පැඟිරි කියලා ලියුවම අදාල ගුරුවරී ඒකට ලකුණු දීලා තිබුනේ නෑ.මොකද ඒක ඒ ගුරුවරී නොදන්න හින්දා.

ඒ විතරක් නෙවෙයි විභාගේ වෙලාවෙදි පස්සේ වාර වලදි කියන් යනවලු “ලමයි අපි උගන්නපුවට විතරයි ලකුණු දෙන්නේ” කියලා.

ඇත්තටම ඉස්කෝල කියන්නේ දැනුම සැරිසරන තැනක් වෙලත් මේ වගේ ගල් යුගයේ චින්තනයක් තියෙන ගුරුවරු ඒක ඇතුලේ ඉන්නේ ඇයි?

ලංකාවේ ගුරු වෘත්තිය කියන්නේ පඩි අතින් ගත්තොත් අඩුම මට්ටමක තියෙන ඒත් ප්‍රතිලාභ අතින් උපරිම මට්ටමක තියෙන රස්සාවක්.ඒ හින්දා ඒක අර ‍රැකියාවක් විදිහට මොකක් හරි කරගෙන ඉන්න ඒ කියන්නේ ශේප් එකේ ඉන්න අයගේ සොඳුරු රජ දහනක් වෙලා.

තමන්ට අනික් අයට උගැන්වීමේ හැකියාව තියෙන නිසා නොව විවේකයෙන් රස්සාවක් කරන්න ඕන හින්දා ගුරු වෘත්තියට ආපු අය ගුරුවරු විදිහට පන්තියට ගියාම ඒ අයගේ පුද්ගලික ඕනම ප්‍රශ්නයක් ලමයි පිටින් යනවා.

අනික ගුරුවරයා කියන තත්ත්වය තුලම නායකත්වයක් ඔබ්බවන හින්දත් ඒ නායකත්වය කිසිම පෞරුෂයක් නැති නපුංසකයෙකුට දරා ගන්න බැරි හින්දත් ඒ නපුංසකයො ඉස්කෝලවල ලමයි මරාගෙන කන්න හදනවා.අපචාර කරනවා.

ඉස්කෝලෙට තෙල් ගාගෙන එන්න හොඳ නම් ජෙල් ගාන්න නරක ඇයි?

ඉස්කෝලෙට ලමයින්ට ජංගම දුරකථන අරං එන්න නරකයි නම් පන්ති කාමරේ ටීචර්ලා මල් කඩන්නේ ඇයි?

 

ලමයි අසභ්‍ය වචන කතා කරන්න හොඳ නැත්නම්, ඉස්කෝලවල staff room වල කුණුහරුප කතා පිරී ඉතිරී යන්නේ ඇයි?

ගුරුවරු කරන්නේ ඉගැන්වීම/ඉගෙන ගැනීමට මඟ පෙන්වීම නම් ඊට ඉස්සර ඒ ගුරුවරයාට ඒ විෂය ඉගෙන ගන්න බැරි ඇයි හරියට?

 

ලංකාවේ  ප‍ටුම සිතුම් පැතුම් ඇත්තේ ගුරුවරුන්ටද?

පාසල් වියේදී ඇතිවන ප්‍රේම සබඳතාවන්ට අත දාලා ඒ ලමයි සමාජය ඉදිරියේ අපරාධකාරයො කරවන්න ඒ ගුරුවරුන්ට අයිතියක් තියෙනවා නම් සිසුවො ඒ ගුරුවරුන්ගේ ප්‍රේම සබඳතාවන්ට අත දැම්මොත් මොකක් වෙයිද?

සිසුන්ගේ ජීවිත අවුල් කරන ගුරුවරුනි,විදුහල්පතිවරුනි,

ඔබ සැම ගුරුවෘත්තියෙන් සමු ගන්නා දිනයක් ඇත.ඔබ පිටින් නොයනා ඔබ කළ කරුම ඔබේ දරුවන්ට උරුම වනු දැකීමට ඔබ කැමති විය යුතුය.මන්ද පාසල තුල ඔබ මොන කෙරුමා වුවද සමාජය තුල ඔබ තවත් එක් පුද්ගලයෙකු පමණි.ඔබෙන් පීඩිත වූ සිසුවා සමඟ ඔබ ගනුදෙනු කළ යුත්තේද ඒ සමාජය තුලමය.

අපේ ගුරුතුමා යයි තාමත් ඉස්කෝලේ.narrow minded teachers

ගුරු වෘත්තිය කියන්නේ ලංකාවේ ඉතා ඉහලින් පිළිගන්න වෘත්තියක්.අපි හැම කෙනෙක්ටම වගේ ඉස්කෝලේ ගිහින් තියෙනවනම් ගුරුවරු ගැන අපරිමාණව අත්දැකීම් ඇති.සමහර ඒවා හිතට සන්තෝෂ හිතෙන ඒවා වගේම තව සමහර ඒවා අදටත් අපිට තරහ ගෙනදෙන ඒවා වෙන්න පුළුවන්.අපි අදටත් අකමැති සමහර විෂයන් ඒ කාලේ හොඳ ගුරුවරු විසින් ඉගැන්වූවා නම් කියලා හිතෙන වෙලාවලුත් ඇති. මං අද කියන කතාව කෙනෙකුට අවශ්‍ය නම් අර සාමාන්‍ය විදිහටම මේ සමහර අය විතරයිනේ.අපිට හම්බවෙච්ච අය මෙහෙම නෑනේ.හොඳ අයද සිටිති කියලා කියන්න පුලුවන්.මොකක් වුනත් මං මේ කතාව කියන්නේ මේ කතාව කියවන කෙනෙක් අඩුම ගානේ මේ වගේ දෙයක් ඉස්සරහට නොවෙන්න වග බලාගනීවත් කියන අදහසින්.

Image

මේ සිද්ධිය වුනේ ලංකාවේ අතිශය සුප්‍රකට බාලිකා පාසලක.ඉස්කෝලේ නම කියන එක හොඳ නෑ.මොකද අර එක මකුණනේ කන්නේ තර්කය ගේන හින්දා.

ඔයාලා දන්නවා ඔය ඉස්කෝලවල ඉන්න ගුරුවරු විදුහල්පතිවරු හැමෝටම හවස 1.30ට සේවය නිම කර නිවස බලා යාමේ අවස්ථාව ලැබෙනවා කියලා.ඉස්සර නම්  හවස 2.00ට.ඉතින් මෙයාලා හිතන්නේ සේවය නිම කර යාමේ වෙලාව මෙයාලට 1.30 නිසාත් සෙනසුරාදා ඉරිදා නිවාඩු නිසාත් මේ ලංකාවේ ඉන්න අනික් අයටත් එහෙමම ඇති කියලා.

වෙලාවට අරින කාලෙකුත් තිබුනා.

ඔන්න දවසක් මේ කියන ඉස්කෝලේ 7-8 වගේ වසරක ඉන්න පංති භාර ගුරුවරී බොහොම සද්දෙන් තග දාගෙන පන්තියටම දානවා සත්තම.හෙට ඉස්කෝලේ මොකක්ද ‍රැස්වීමක් තියෙනවා,ඒකට සියලුම ළමයින්ගේ අම්මා හෝ තාත්තා පැමිණීම අනිවාර්යයි කියලා.ඒකත් කියන්නේ අද.

දැන් ගුරුවරී හැම ළමයෙක්ගෙන්ම අහනවා අත දික් කරලා නැඟිට්ටවලා “හ්ම්,ඔයාගේ කවුද එන්නේ,ඔයාගේ කවුද කියලා”

යුවනි මේ පන්තියේ හිටපු ටිකක් නිශ්ශබ්ද ලමයෙක්.ගුරුවරී යුවනිවත් නැගිට්ටෙව්වා.මොකද යුවනිගේ දෙමව්පියො කොහොමත් ඉස්කෝලෙට එච්චර ආවෙ නෑ.මේක ගුරුවරීට මතක තිබුනා.

“යුවනි,හෙට කාවද එක්කන් එන්නේ?”

“මිස්,……….”

“ඔව්,ඇයි මිස් මිස් ගාන්නේ”?

“මිස්,හෙට නිවාඩු ගන්න බැරි වෙයි,මිස්”

“නිවාඩු  නෑ….ඒ තාත්තටනේ.ඇයි අම්මට මක් වෙලාද?”

“………”

යුවනි ටිකක් වෙලා බලං හිටියා,නැගිටලා ඉන්න ගමන්ම.යුවනිගේ ඇසින් වැටිච්ච කඳුළු බින්දුව ඒ ගුරුවරීගේ ඇසට සංවේදී වුනේ නෑ.ඒත් යකඩ පන්නරය ලබන්නේ ගින්නෙන්,වතුරෙන් සහ තැලීමෙන් කියන හැම එකෙන්ම කියන එක මෙතනදිත් ඔප්පු වුනා.යුවනි තමන්ගේ හඬ අවදි කළා.

“මිස්,මට තාත්තා විතරයි ඉන්නේ.අම්මා මාව දාලා ගියේ මං ඉපදිලා අවුරුද්දෙන්”

Image

what girls really need? ස්ත්‍රී ජාතී නැත විශ්වාසේ.

මේ ලෝකේ කොල්ලන්ට තියෙන ලොකුම දුර්වලතාවක් තියෙනවා වසර දහස් ගණනක් තිස්සේ පරිණාමය වෙලත් තාම හදා ගන්න බැරි වෙච්ච.මිනිස්සු ගල් යුගයෙන් එඬේර යුගයට, එඬේර යුගයෙන් කෘෂි යුගයට,පස්සේ කාර්මික යුගයට පරිණාමය වුනත් අද අපි තොරතුරු තාක්ෂණ,නැනෝ තාක්ෂණ යුගයට ආවත් තාමත් මානව සංහතියේම පිරිමින්ගේ මේ වැ‍රැද්ද තියෙනවා.

Image

wikipedia

ඒත් ඒක හරි සොඳුරු වැ‍රැද්දක්.

ආයි ආයි කරන්න හිතෙන ජාතියේ වැ‍රැද්දක්.

ඒ තමයි අච්චර මෙච්චර කොච්චර වැඩ තියෙද්දි මොනවා තිබුනත් කෙල්ලෙක්ගේ බැල්මක් අබියස තමන් කරපු,ගොඩ නඟපු දේවල් තඹ සතේකට මායිම් නොකර දූලි ගානට දාන එක.

මහා අධිරාජ්‍යයක් දිග් විජය කරන්න කියලා හිතාන පුරාණ මිසරය හරහා යන්න ආපු ජුලියස් සීසර්,ක්ලියෝපැට්‍රාගේ වසඟයට අහුවෙලා අන්තිමේදී තමන්ගේ අධිරාජ සිහිනයට විතරක් නෙවෙයි තමන්ගේ ජීවිතයට පවා කෙළවගත්තා.

ජුල්යස් සීසර් රෑ වැටිච්ච වලේ දවල් ගිහිල්ලා පැන්න මාක් ඇන්තනිට වුනෙත් ඒ වගේම දෙයක්.

එංගලන්ත කිරීටය තියෙද්දිම අටවන එඩ්වඩ් රජු තමන්ගේ කිරුළ වොලිස් සිම්ප්සන් වෙනුවෙන් අත්හරිනවා.මහා අධිරාජ්‍යයන්,මාලිගා,යන වාහන මේ හැම දෙයකින්ම පරිපූර්න වෙච්ච ඕනම ජගතෙක්ව මෝඩ කෙල්ලෙක්ගේ බැල්මක් ඉස්සරහ දන ගස්සන්න පුළුවන් කියන එක ප්‍රායෝගික යථාර්තයක් බවට පත් වෙනවා.

ඇත්තටම එහෙම වෙන්නේ ඇයි?

මං ඒකට කියනවා කෙල්ලෙක්ගේ ලස්සන කියලා.ඒත් ලස්සනට නම් මානව ශිෂ්ටාචාරයන් ගණනාවක් තිස්සේම පිරිමියා කාන්තාව ඉස්සරහ දන නැමුවේ,කැත ගෑනුන් ලෝකේ බලවත්තු වුනේ නැද්ද?

කැත ගෑනු පරිණාමයේදී ප්‍රතික්ෂේප වුනා නම් ලෝකේ අද ලස්සන ගෑනු විතරක් ඉන්න ඕන නේද?ඔයා මගෙන් අහාවි.

ඔව්.ඔයා කියන එක ඇත්ත.ඒත් මම කියන්නේ ඔයා කියන එක ඇත්ත වෙන ගමන් මම කියන එකත් ඇත්ත වෙන win win situation එකක්.

මම අද කියනවා ලෝකේ ඉන්නේ ලස්සන ගෑනු විතරයි කියලා.

හේතුව ගෑනියෙක් කොච්චර ලස්සනද කියන එක තීරණය වෙන්නේ ඒ කාන්තාව කොච්චර ලස්සනද කියලා අදාල බලය හිමි පිරිමියා තීරණය කරන මට්ටමට.

එතකොට එතනදි අපි අර දන්න සාමාන්‍යයෙන් කියන සුදු පාට හමක් තියෙන,නිල් ඇස් ඇති බොත්තමක් වගේ නහයක් තියෙන කෙල්ලො විතරක් ලස්සන කියන කුලකයට අයිති වෙන්නේ නෑ.

කුමන හෝ මොහොතක යම් පිරිමියෙක් යම් කාන්තාවක් ලඟ දමනය වෙනවාද ඒ පිරිමියාට ඒ යුවතිය ලෝකේ ඉන්න ලස්සනම කෙල්ල වෙලා පේන්න ගන්නවා.

Mister world ‍තෝරන තරග වලට වඩා  miss world ‍තෝරන තරග වලට ප්‍රේක්ෂක අවධානය යොමුවෙන්නේ ඒ හින්දා.තමන්ගේ ඉස්කෝලේ sports meet යන්නෙ නැති කොල්ලො ඒ පැත්තේම බාලිකා පාසල්වල sports meet  වරද්දන්නැතිව බලන්න යන්නේ අන්න ඒ හින්දා.

කොල්ලො හැම තිස්සේම හිතන්නේ කෙල්ලො තුල තමන් නොදන්න අමුතු ප්‍රහර්ෂයක් තියෙනවා කියලා.ඒ විතරක් නෙවෙයි ඒ අමුතු එක කොල්ලො හොයාගෙන යනවා.ඒ අමුතු ප්‍රහර්ෂය තමන් ගාව තියෙනවා කියලා පෙන්නන්න පුළුවන් වෙච්ච තරමට කෙල්ලට කොල්ලව තමන්ගේ දෙපා පාමුල දන ගස්සන්න හැකි වෙනවා.

ඒ වෙනුවෙන් කොල්ලො,පිරිමි තමන්ට පුළුවන් ගොඩක් දේවල් දෙනවා.

මහා දැවැන්ත ඇකඩමික අධිරාජ්‍ය ගොඩ නඟාගෙන ඉන්න මහාචාරිලා හිඹිටිලි කෙල්ලන්ට උපාධි,පන්ති සාමාර්ථ,ශිෂ්‍යත්ව,රස්සා…..ඕන දෙයක් හදලා දෙනවා.අන්තිමේදී තමන් නිසා වැඩ වැරදුණු(?) කෙල්ලව භාර ගන්න එකාටත් සලකනවා.

 Image

මහා වෘත්තීයවේදීන් විදිහට පෙනී ඉන්න බක්කෝ සරුවපිත්තල සෙකට්‍රිලා ගාව දන ගහනවා.

වැඩිය ඕන නෑ,ලංකාවේ මහනුවර යුගයේ රජකම සම්බන්ධ අප්‍රසිද්ධ කතා වලදි ගැනියෙක්ගේ අර අමුතු එකට කොච්චර  දෙයක් කරන්න පුළුවන් වෙලා තියෙනවද කියලා හොයාගන්න පුළුවන්.

එතකොට ඒ කෙල්ලන්ගේ ලස්සන වෙනුවෙන් කොල්ලො දෙන්න කැමති නම් ඕන දෙයක්,

ඒ කොල්ලන්ගෙන් කෙල්ලො බලාපොරොත්තු වෙන්නේ මොනවද?

එක පාරටම කෙල්ලො කියාවි ‍රැකවරණය,සෙනෙහස,ආදරය,…..

මං කියනවා බම්බුව.

කෙල්ලෙක් කොල්ලෙක්ගෙන් බලාපොරොත්තු වෙන්නේ මොනවද කියන එක ඒ කෙල්ලවත් දන්නේ නෑ.දැන ගත්තත් එක පාර කියන්නෙත් නෑ.ඒත් සරලව කියනවා නම්

කෙල්ලෙක් කොල්ලෙක්ගෙන් බලාපොරොත්තු වෙන්නේ

“”ඕනම දෙයක්””.

මහා නාලාගිරි දමනය.Nalagiri and politics

දැන් තියෙන ඡන්ද උණුසුමත් එක්ක ඕනම ගිනි පුපුරක් මහා ගිනි ජාලාවක් වෙන්න වැඩි වෙලාවක් යන්නේ නෑ.හැබැයි ඒක අද විතරක් තියෙන දෙයක් නෙවෙයි.ඕනම කාලෙක දේශපාලනය කියන්නේ මිනිස්සුන්ට හොඳට රණ්ඩුවෙන්න පුළුවන් මාතෘකාවක්.විශේෂයෙන්ම පක්ෂ දේශපාලනය.අද කියන්න යන්නෙත් ඒ වගේම ලංකාවේ පක්ෂ දේශපාලනයට යට වෙච්ච කතාවක් ගැන.

ලංකාවේ වෙසක් එකට පොසොන් එකට තොරණ් බඳින සාමාන්‍ය දෙයක්නේ.ඔන්න ඉතින් එක නගරෙක පොසොන් තොරණක් හැදුවා ඒ පැත්තේ ඉන්න කට්ටියක් එකතු වෙලා.මේක වුනේ 1990 ගණන් වල.මේ තොරණ ඉතින් ගොඩක් වියදම් කරලා ලස්සනට චිත්‍ර ඇඳලා,විදුලි බුබුළු දාලා හොඳට හැදුවා.

ඔන්න ඉතින් තොරණ විවෘත කරන දවසත් ආවා.

තොරණ විවෘත කරන උත්සවයට ලොකු ලොක්කො එහෙමත් ආවා.දැන් ඔන්න ඉතින් තොරණ විවෘත කරා කියමුකො.

ටික වෙලාවකින් මෙන්න මිනිස්සු හිනා වෙන්නයි,කෑ ගහන්නයි,හූ කියන්නයි ගත්තා.අන්තිමේදි එතන ලොකු ගාලගෝට්ටිය රණ්ඩුවකට පෙරලුනා.අන්තිමට තොරණට ගල් ගහලා තොරණ සංවිධානය කරපු අය එක්කත් රණ්ඩු වෙලා තොරණ කඩලා දැම්මා.

Image

මොකක්ද හේතුව?

මේ තොරණේ කතාව තමයි නාලාගිරි දමනය.මේ කතාව සජීවී විදිහට ඉදිරිපත් කරන්න ඕන හින්දා සංවිධායකයින් නාලාගිරි හස්තියා වැඳවැටෙන  විදිහට රූපයක් හැදුවා.එතකොට නාලාගිරි හස්තියා දුවගෙන ඇවිල්ලා නැවි නැවි වඳිනවා.වඳින්නේ?වඳින්නේ බුදු හාමුදුරුවෝ සංකේතවත් කරමින් අතක ලකුණක් හදලා තිබ්බා.ඒ අතට තමයි වඳින්නේ.

ඉතින් අලියා අතට නැවි නැවි වඳිනවා දැක්ක එක්සත් ජාතික පාක්ෂිකයොයි අර සංවිධායක මණ්ඩලේ හිටපු ශ්‍රී ලංකා නිදහස් පක්ෂ කට්ටියයි අතර මේකට රණ්ඩුවක් ගිහිල්ලා.

කොහොමින් කොහොමින් හරි මේ පැත්තේ ඊට පස්සේ නම් නාලාගිරි දමනය කිසිම තොරණකට අරං නෑ.